Politico манбаларига кўра, Украинада Американинг MQ-9 Reaper дронларига қизиқиш ортиб бормоқда. Нашрнинг ёзишича, сўнгги ойларда Киев АҚШдан биринчи навбатда мана шу дронларни етказиб беришни сўраган. Вашингтон рус ҳарбийлари бу дронларни уриб тушириши мумкинлигидан хавотирда.
MQ-9 Reaper’га бўлган талаб Украинанинг ёзги ҳарбий режалари билан боғлиқ. Украина ҳарбийлари фронт ортидаги Россия нишонларини аниқлашнинг янги усулларини изламоқда.
Politico нашрига кўра, уруш бошланганидан бери MQ-9 Reaper Украина сўровларида устувор бўлган. Киев улардан ҳам зарба бериш, ҳам разведка учун фойдаланган. Ҳозирда Украина қуролли кучлари Америка дронларидан фақат разведка учун фойдаланишни режалаштирмоқда.
MQ-9 Reaper разведка қилувчи ва зарба берувчи дрон ҳисобланади. Мазкур дрон General Atomics Aeronautical Systems томонидан ишлаб чиқилган. Турбовинтли двигатель билан жиҳозланган қурилма соатига 400 км дан юқори тезликка эриша олади. У 24 соат максимал парвозга чидамли бўлиб, ҳаво-ер, ҳаво-ҳаво ракеталари ва лазер билан бошқариладиган бомбаларни ташишга қодир.
Изоҳ (0)