Белгород вилояти Борисов туманидаги Березовка қишлоғида дронлар ҳужуми оқибатида олти киши ҳалок бўлди. Бу ҳақда вилоят раҳбари Вячеслав Гладков хабар берди.
Камикадзе дронлар корхоналардан бирининг ходимларини олиб кетаётган “Газел” ва енгил автомобилга ҳужум қилган. Украина дронининг зарбаси натижасида олти киши ҳалок бўлган, 35 киши, жумладан, икки бола турли даражадаги оғирликдаги жароҳатлар олган.
Белгород вилояти тезкор штаби дронлар ҳужумига учраган “Газел” “Агро-Белгоре” компаниясига тегишли чўчқачилик фермаси ходимларини олиб кетаётганини маълум қилди.
Березовка қишлоғи Белгороддан тахминан 50 километр узоқликда жойлашган. Ушбу аҳоли пункти жойлашган Борисов тумани Украина билан чегарадош.
Белгород вилояти расмийлари мунтазам равишда дрон ҳужумлари ҳақида хабар бериб келади ва бунда Украина ҳарбийларини айблайди. “Агро-Белгоре” Россиядаги энг йирик чўчқа гўшти ишлаб чиқарувчи корхоналардан биридир.
Изоҳ (0)