Украина Россия билан қуролли можарога барҳам бериш бўйича музокараларни бошлаш учун етарли даражада кучли ҳолатда эмас, деди АҚШ Давлат котибининг сиёсий масалалар бўйича собиқ ўринбосари Виктория Нуланд.
Politico нашрига берган интервьюсида АҚШнинг Украина ва Россияга нисбатан ташқи сиёсатини узоқ вақтдан бери кузатиб келаётган америкалик собиқ мулозим Киевни 2022 йилда Москва билан тинчлик музокараларига ундамаслик хато бўлганмиди, деган саволга жавоб берди.
Улар ўша пайтда етарлича кучли позицияда эмас эди. Ҳозир ҳам уларнинг позицияси унчалик кучли эмас, — деб жавоб берди Нуланд.
Дипломатнинг қўшимча қилишича, 2022 йилда ҳам, ҳозир ҳам эришилиши мумкин бўлган ягона келишув Россиянинг ҳудудий масала бўйича ҳар қандай ён беришдан бош тортишига асосланган бўлади.
Бундай келишув барқарор бўлмас эди, — деди Нуланд.
Киев Қримни куч билан эгаллаб олиши мумкинми, деган саволга Нуланд “Украинанинг ҳудудий амбициялари унинг халқига боғлиқ бўлади”, деб жавоб берди. Шу билан бирга, АҚШ расмийлари аввалроқ Украинанинг яриморолдаги назоратни куч билан қайтариш имкониятини очиқ тан олган эди.
Изоҳ (0)