Оқ уй матбуот котиби Карин Жан-Пьер Қўшма Штатлар ўқ-дориларнинг фақат бир партиясини етказиб беришни вақтинчалик тўхтатганини маълум қилди. Бу ҳақда EАdaily хабар берди.
Бу пауза. Биз маълум бир таъминотга нисбатан пауза ҳақида гапиряпмиз. Бу қурол етказиб беришни тўхтатиш эмас, паузадир, — деди у Сан-Францискога кетаётган президент самолёти бортида бўлиб ўтган брифингда.
Унинг таъкидлашича, Қўшма Штатлар ҳозирда Рафаҳда ҳеч қандай ҳарбий амалиётлар қайд этилмаган, лекин шаҳарга кенг кўламли босқин уюштирилишидан хавотирда. Матбуот котиби бу пауза қанча давом этишига аниқлик киритмаган. Қўшма Штатлар жўнатилиши тўхтатилган ўқ-дориларнинг келажаги бўйича ҳали якуний қарор қабул қилгани йўқ.
9 май куни бўлиб ўтган брифингда Пентагон расмийси Патрик Райдер АҚШ ҳукумати ўтган ҳафта Рафаҳда ҳарбий амалиётлар чоғида қўлланилиши мумкинлиги сабабли Исроилга 3500 та авиабомба етказиб беришни тўхтатганини маълум қилган эди.
АҚШ президенти Жо Байден 8 май куни CNN телеканалига берган интервьюсида Рафаҳда йирик ҳарбий операция ўтказилса, АҚШ Исроилга қурол етказиб беришни тўхтатишини айтган. Шу куни АҚШ Мудофаа вазири Ллойд Остин Вашингтон Рафаҳ атрофидаги вазият муносабати билан Исроилга қисқа муддатли ҳарбий ёрдамнинг айрим турларини қайта кўриб чиқишини тушунтирган. Унинг баёнотларига кўра, юқори қувватли бомбаларни етказиб бериш тўхтатилган. Пентагон таъминот бўйича якуний қарорлар қабул қилинмаганини айтган. Давлат департаментининг аниқлик киритишича, Исроилга фақат бир партия ўқ-дорилар етказиб бериш тўхтатилган бўлса-да, бошқа ҳарбий юклар ҳам кўриб чиқилмоқда.
5 май куни Axios портали Америка маъмурияти 2023 йил 7 октябрдан бери биринчи марта Исроилга ўқ-дорилар етказиб беришни тўхтатганини маълум қилган. Бу қадам Исроил расмийларида жиддий хавотир уйғотган.
Изоҳ (0)