Польша мудофаа вазири ўринбосари Павел Залевский ҳукумат НАТО ядро қуролини жойлаштириши бўйича расмий сўров юборди. Бу ҳақда тегишли манбаларга таяниб, The Moscow Times хабар берди.
Маълум бўлишича, гап Нуcлеар Шаринг дастурида иштирок этиш учун ариза ҳақида кетмоқда. Илгари унга Бельгия, Италия ва Германия қўшилган эди.
Польша ҳам ушбу дастурда иштирок этишга тайёрлигини маълум қилди. Ва бу ариза қайтариб олинмади, — деди Залевский.
Шу билан бирга, у ядро қуролидан фойдаланиш бўйича қарор, агар улар Польшада жойлаштирилса, америкаликлар томонидан қабул қилинишини эслатган.
Аввалроқ Польша президенти Анжей Дуда НАТО шарқий қаноти мудофаасини кучайтириш учун мамлакат ҳудудида ядро қуролини жойлаштиришга тайёрлигини маълум қилганди. Унинг сўзларига кўра, у Вашингтонга ташрифи чоғида бу мавзуни муҳокама қилган. Дуда бундай чора зарурлигини Калининград вилоятининг милитаризацияси ва Россия ядро қуролининг Беларусда жойлаштирилиши билан изоҳлаган.
Беларусь президенти Александр Лукашенко тўғридан тўғри Москвадан олинган ракеталар Польшага қарши йўналтирилиши мумкинлигини айтган. Яқинда қабул қилинган ҳарбий доктринада Минск “дўст бўлмаган” қўшни давлатлар, шу жумладан, Польша ҳудудида ядро ва биологик қуролларнинг жойлаштирилишини ҳарбий таҳдид сифатида кўришини айтган.
Ядро алмашинуви бу — АҚШ ва НАТО иттифоқчилари ўртасида ҳарбий зарурат туғилганда, ядровий қуролларни Америка омборларидан ўтказиш тўғрисидаги келишув. Шимолий Атлантика альянси миссияси доирасида Қўшма Штатлар аллақачон 150 га яқин ядро каллакларини Европа давлатлари ҳудудига жойлаштирган.
Россия расмийси Дмитрий Песков Польшанинг ниятларини изоҳлар экан, бу режалар амалга оширилганда Россия хавфсизлигини таъминлаш учун чоралар кўрилишидан огоҳлантирган. Россия томони Польша ҳудудидаги ядро иншоотлари Россия учун қонуний ҳарбий нишонга айланишини айтган.
Изоҳ (0)