Россия элчихонаси жойлашган Парижнинг 16-округи депутатлари тумандаги кўчалардан бирига россиялик марҳум мухолифатчи Алексей Навальний номини бериш таклифини бир овоздан маъқуллади. Бу ҳақда депутатлар 7 май куни Х ижтимоий тармоғида маълум қилди.
Марҳум россиялик мухолифатчи номи 16-тумандаги қайси кўчага берилиши ҳақида маълумот берилмаган. Дастлаб сенатор Шантмес шоҳкўчасига сиёсатчининг номини беришни таклиф қилган эди. Шантмес шоҳкўчаси Россия дипломатик ваколатхонаси жойлашган Лан шоҳкўчаси билан кесишади. Шу икки шоҳкўчанинг бир чеккасида сенатор Навальний хотирасига бадиий объект ўрнатиш ҳам таклиф қилинган.
Бироқ таклифни тезроқ қабул қилиш учун овоз беришдан олдин унинг матнига тузатишлар киритилди, — деди депутатлардан бири Жюли Боё.
Шу билан бирга, унинг сўзларига кўра, депутатлар Шантмес шоҳкўчасининг номини ўзгартириш ғоясидан воз кечишмаган.
Асосийси биз Навальний хотирасини ҳурмат қиламиз, — дея қўшимча қилган у.
Ямалдаги колонияда россиялик мухолифатчининг ўлими ҳақидаги хабардан кўп ўтмай, икки немис жамоат ташкилоти Германия пойтахтидаги кўчалардан бирини Алексей Навальний шарафига ўзгартириш ташаббуси билан чиққан эди.
Шу мақсадда, хусусан, Берлин марказида Россия консуллиги жойлашган Беҳренстрассе кўчасининг бир қисми таклиф қилинмоқда. Гамбург, Гаага, Вильнюс ва Европанинг бошқа шаҳарларидаги кўчаларга Навальний номини бериш таклифлари ҳам бўлган.
Изоҳ (0)