Словакия бош вазири Роберт Фико ҳукуматининг Украинага нисбатан сиёсатига норози бўлган Словакия аҳолиси Украина артиллерияси учун 2700 га яқин снаряд учун шахсий ташаббус сифатида пул йиғишди, дея BBC хабар берди.
“Ukrinform” агентлигининг Чехиянинг CТК агентлигига таяниб хабар беришича, йиғин ташкилотчилари ва уларнинг чехиялик ҳамкорлари Чехиянинг STV Group ҳарбий-саноат компанияси билан 2692 дона снаряд сотиб олиш бўйича музокаралар олиб бормоқда.
Маблағ йиғиш ташкилотчилари, бу ҳақда уч ҳафта олдин эълон қилиб, дастлаб миллион евро йиғишни кутган, аммо бу миқдорга икки кун ичида эришилган. 9 майга ўтар кечаси, “Украина учун ўқ-дорилар” ташаббуси сайтида бу маблағ 4,189 миллион еврони ташкил этган.
Деярли 66 минг киши хайрия қилган, улардан бири бирданига 100 минг евро берган.
Бош вазир ўз сайловчиларига унинг даврида Словакия Украинага бирорта ҳам ўқ юбормаслигини айтган. Фико, шунингдек, Украина учун снарядлар сотиб олиш бўйича 20 га яқин давлат қўшилган.Чехия лойиҳасида иштирок этишдан бош тортган.
Словакия бош вазирининг айтишича, Ғарбнинг Украинага кўрсатаётган ёрдами фақат урушни чўзмоқда, Киев қуролларини ташлаб, Москва билан музокара бошлаши керак.
Изоҳ (0)