Boeing Starliner кемаси экипажининг парвоз синови бекор қилинди. Бу ҳақда НАСА сайтида хабар берилди.
Космик кема Канаверал аэродромидан United Launch Alliance (ULA) Atlas-V ракетаси ёрдамида учирилиши режалаштирилган эди. Boeing Starliner экипаж капсуласи учирилгандан икки кун ўтгач, Халқаро космик станцияга (ХКS) туташиши кутилган.
ULA парвоз директори Том Ҳитер парвозга тайёргарликни давом эттирмасликка қарор қилган. НАСАнинг аниқлик киритишича, парвознинг бекор қилинишига ракетанинг иккинчи босқич кислород клапанидаги носозлик сабаб бўлган.
Atlas-V учун ушбу парвоз одамларни космосга жўнатиш учун фойдаланилганидан буён ўн ярим йил ичида илк марта бўлиши кутилганди.
2019 йил декабрь ойида ўтказилган биринчи парвоз синовларида кема ҳавога кўтарилган ва Халқаро космик станцияга етиб бориши керак эди, аммо тизим таймерида муаммо юзага келган.
2021 йил август ойида иккинчи парвоз синови ҳам муваффақиятсиз тугаган.
2022 йил августида НАСА ва Boeing Starliner парвозни 2023 йил бошига режалаштирган эди. Ўшанда НАСАнинг тижорат экипажи дастури менежери миссия февраль ойида бошланиши мумкинлигини айтган.
Изоҳ (0)