Эҳтимол, ҳар бир инсоннинг қаердадир қиёфадоши бўлиши мумкин. Аммо машҳурларга ўхшайдиган инсонларга бу борада бир оз қийинроқ. Чунки уларни таниганлар, албатта, бошқача қарайди. Қуйида ўзига қуйиб қўйгандек ўхшайдиган қиёфадоши бор юлдузлар кетма-кетлигини эътиборингизга ҳавола этамиз.
Анжелина Жоли ва Мелисса Байзен
Мелисса Байзенни кўчада кўриб қолган инсонлар тўхтатишади, чунки улар қизни Анжелина Жоли билан адаштиради. Агар у озгина грим қилинса актрисанинг эгизагига айланади. Бир куни Мелисса Малефисента қиёфасида либослар ярмаркасига борган ва унинг атрофида жуда кўп инсонлар тўпланган — томошабинлар Голливуд юлдузи уларнинг қаршисида турганига ишонишган.
Кейт Миддлтон ва Ҳайди Аган
Бир пайтлар официант бўлган Ҳайди Аган Кейт Миддлтон шаҳзода Уилямга турмушга чиқаётгани эълон қилингандан сўнг тезда машҳурликка эришди. Ўша пайтда Ҳайди пайтдан фойдаланиб, ўз суратларини истеъдодлар агентлигига юборди. Бироқ, Ҳайдининг айтишича, унинг Кейтга ўхшамайдиган жиҳатлари ҳам бор, масалан, у ижтимоий тармоқларда троллар ёки ёмон шарҳларга дуч келади.
Селена Гомес ва София Соларес
Мексикада яшовчи оддий қиз София Соларес вояга етгач, машҳур юлдуз Селена Гомесга жуда ўхшашлигини тушунди. Таниқли инсоннинг қиёфадоши сифатида келган машҳурлик Софияни жуда машҳур қилди, шунинг учун у Селенанинг услубидаги соч турмаги ва макияж билан бу ўхшашликни янада оширишга ҳаракат қилди. Соларес хонанданинг ашаддий мухлиси ва у билан учрашишни интиқлик билан кутмоқда.
Райан Гослинг ва Йоханнес Лашет
Йоханнес ҳуқуқшунослик факультети талабаси ва эркаклар модаси ҳақида ёзувчи блогер ҳисобланади. Ижтимоий тармоқ фойдаланувчилари биринчи марта унинг Голливуд актёрига ўхшашлигига эътибор қаратганида, Лашет тўсатдан пайдо бўлган машҳурликдан бир оз чарчаганини айтган. Унинг ўзи ҳам Гослинг билан кўп ўхшаш жиҳатлари борлигига ишонади.
Эд Ширан ва Тай Жонс
Тай Жонс ва Эд Ширан бир шоуда иштирок этганидан сўнг, йигит машҳур хонандага ўхшашлиги билан жамоатчилик эътиборини тортди. Йигит парк қўриқчиси бўлиб ишлайди, бироқ уни кўпинча Shape Of You хитининг ижрочиси билан адаштиришади. Ширан ўзининг эгизагини ҳаётда ҳам учратган, чунки Тай хонанданинг мухлиси.
Ким Кардашян Уэст ва Камил Осман
Ким Кардашяннинг онлайн ҳаётда ўнлаб қиёфадошлари бор, бироқ уларнинг кўпчилиги пластик жарроҳларнинг хизматидан фойдаланган. Аммо Камилла Осман ижтимоий тармоқ фойдаланувчиларини ҳеч қачон Кимга ўхшашни хоҳламаганига ва унга ўхшаш бўлиш учун қўшимча ҳаракатлар қилмаганига ишонтирмоқда.
Эмма Уотсон ва Кери Льюис
Керининг Эмма Уотсон га ўхшаш жиҳатлари жуда кўп, уни ҳақиқий исмидан кўра кўпроқ Гермиона Гренжер деб чақиришади. Қизиғи шундаки, Кери Гарри Поттернинг мухлиси бўлмаган ва шунинг учун инсонлар унга машҳур инсон сифатида қараётганига ҳайрон бўлган.
Леонардо Ди Каприо ва Конрад Аннернуд
Швециялик бармен Конрад Аннернуднинг ташқи кўриниши ёш Леонардо Ди Каприони эслатади. У ўхшашликдан фойдаланишга қарор қилди ва фаол равишда актёрнинг фотосессияларини такрорлаб, ўзини Леонардо сифатида кўрсатишни бошлади. Ижтимоий тармоқ фойдаланувчилари уни “Титаник” фильми юлдузига ўхшатган, йигитнинг ўзи ҳам буни рад этмаган.
Меган Фокс ва Клаудия Альенде
Меган Фокснинг қиёфадоши ҳисобланган Клаудия Альенде у сабабли реклама моделига айланди. Гўзаллик танловининг собиқ иштирокчиси чиройли кўриниши ва актрисага ўхшашлиги туфайли катта шуҳрат қозонган.
Рианна ва Анделе Лара
Grow & Glow веб-сайти асосчиси Анделе Лара хонанда Рианнанинг ёшлигини эслатади. Бу маълум ракурсларда сезилади, Лара улардан бажонидил фойдаланади. Шу билан бирга, у хонандага ўхшашга ҳаракат қилади.
Изоҳ (0)