Qiz farzand otasiga o‘xshasa, u albatta baxtli bo‘ladi, degan ibora bor. Agar bu rost bo‘lsa, mashhurlarning qizlari hayotida hamma narsa a’lo darajada bo‘lishi kerak. Axir, ular quyib qo‘ygandek dadasining o‘zi-ku. Keling, yaxshisi suratlarga e’tibor qaratamiz:
Tom Kruz va uning qizi Suri
Suri 2006-yilda tug‘ilgan. Qizning onasi aktrisa Keti Holmsdir. Juftlik besh yillik turmushdan keyin 2012-yilda ajrashib ketgan.
Bred Pitt va uning qizi Shaylo
2006-yilda Bred Pitt va Anjelina Jolining to‘ng‘ich farzandi tug‘ilishi OAVda eng ko‘p muhokama qilingan shov-shuvli voqealardan biri bo‘lgan edi. Qizaloqning ilk suratlari People jurnaliga 4,1 million dollarga sotilgan. Afsuski, yulduzli juftlik 2016-yilda ajrashgan va hozirda vasiylik va mol-mulk uchun sudda kurashib kelmoqda.
Devid Bekhem va uning qizi Harper
Devid Bekhem va uning qizi — ideal ota-qiz munosabatlarining yaqqol namunasi. Ularning birgalikda tushgan fotosuratlariga faqat havas bilan boqish mumkin. Devid va uning qizi Harper tez-tez birga vaqt o‘tkazadi: sayohat qiladi, baliqchilik yoki konsertlarga boradi. Suratlardan Harper otasi uchun eng sevimli va erkatoy malika ekanligini sezish mumkin.
Stiven Tayler va uning qizi Chelsi
Chelsi Tayler 1989-yilda tug‘ilgan. Qizning barcha tashqi xususiyatlari: tabassumi, jingalak sochlari va moviy ko‘zlari otasiga juda o‘xshaydi. Ammo Chelsining ota-onasi ham 17 yillik turmushdan keyin ajrashib ketdi.
Uill Smit va uning qizi Uillou
Uill Smit va uning rafiqasi Jada Pinkett 2000-yilda qiz farzandli bo‘lgan. 24 yoshli Uillou hozirda otasining o‘zginasi. Smit har doim oilasini qadrlagan va rafiqasining sharafini himoya qilishga tayyor bo‘lgan aktyorlardan. Oskar marosimidagi shov-shuvli voqeani bir eslang: aktyor Jada haqida noo‘rin hazil uchun boshlovchining yuziga tarsaki tortib yuborgan edi.
Hit Ledjer va uning qizi Matilda
Matilda otasidan juda erta ayrilgan — 2008-yilda Ledjer vafot etganida u atigi ikki yoshda edi. Qizaloq otasini eslay olmasa-da, unga juda o‘xshaydi. Hitning otasiga ko‘ra, Matildaning hatto qadam tashlashi ham otasiga juda o‘xshaydi.
Izoh (0)