“Манчестер Сити” нинг белгиялик ярим ҳимоячиси Кевин де Брюйне Англия чемпионатида бир ўйинда икки ва ундан ортиқ голли узатмани амалга ошириш бўйича энг кўп ўйин ўтказиш бўйича янги рекорд ўрнатди.
-uK4qUgnX.jpg)
АПЛнинг 35-тури доирасидаги ўйинда белгиялик ярим ҳимоячи ҳаракат қилаётган “Манчестер Сити” клуби “Ноттингем Форест”ни қабул қилди ва 2:0 ҳисобида ғалаба қозонди. Бу ўйинда де Брюйне мавсумдаги 14 ҳамда 15-узатмаларни амалга оширди.
Бельгиялик футболчи Англия чемпионати тарихида 18 та учрашувда 2 ва ундан ортиқ голли узатмани амалга оширган биринчи футболчига айланди. Аввалги рекорд Сеск Фабрегас ва Райан Гиггзга тегишли эди — ҳар иккисида 17 та ўйин.
Кевин де Брюйне жорий мавсумда барча турнирларда 21 та ўйинда майдонга тушди. Унинг ҳисобида 6 та гол ва 15 та голли узатма бор.
“Ман Сити” Англия чемпионатида 2-ўринни эгаллаб турибди. Биринчи ўриндаги “Арсенал” “шаҳарликлар”дан бир очко олдинда бормоқда. Улар ҳисобида 80 очко мавжуд. 79 очко тўплаган Манчестер шаҳри клуби захирасида бир ўйин мавжуд.
Изоҳ (0)