Либерия марказида бензин ортилган автоцистерна портлаши оқибатида камида 40 киши ҳалок бўлди, ўнлаб кишилар жароҳатланди. Бу ҳақда Liberian Observer газетаси бош шифокор ва соғлиқни сақлаш вазири ўринбосари Фрэнсис Кейтега асосланиб хабар берди.
Газетанинг ёзишича, Либериянинг Бонг округидаги Тотота шаҳрида автоцистерна йўлдан чиқиб, ёниб кетган.
Қайд этилишича, авариядан сўнг бир неча киши машинадан тўкилган бензинни йиғишга уринган ва шу пайтда портлаш содир бўлган.
Оқибатда 40 киши, жумладан, бир аёл ва олти-тўққиз ёшлар орасидаги уч бола ҳалок бўлди. Мамлакат соғлиқни сақлаш вазири ўринбосарининг аниқлик киритишича, қурбонлар сони ортиши мумкин.
Аввал Гаитида ёнилғи ортилган автоцистерна аварияга учраб, портлаши оқибатда 40 дан ортиқ одам ҳалок бўлгани тўғрисида хабарлар берилганди.
Изоҳ (0)