“Титаник”даги энг бой йўловчининг соати 1,4 млн долларга сотилди

1912 йилда чўкиб кетган “Титаник”нинг энг бой йўловчиси Жон Жейкоб Aстор IV га тегишли тилла чўнтак асоати аукционда рекорд даражадаги 1,175 миллион фунт стерлингга (1,4 миллион доллардан кўпроқ) сотилди. Бу ҳақда Bloomberg хабар берди.

Қайд этилишича, соат АҚШдан келган хусусий коллексионерга лайнердан эсдалик учун олинган буюмлар ичида энг юқори суммага сотилган.

Титаникнинг ҳикояси шундан иборатки, катта кема айсберг билан тўқнашиб, ҳалокатга учраган, ундаги ҳар бир эркак, аёл ва болага 2,2 минг ҳикоя тўғри келади. Эсдалик буюмлари бугунги кунда ўша воқеалар ҳақида гапиради, — деди аукционэр Эндрю Олдриж.

Экспертнинг сўзларига кўра, Aстор ўша пайтда дунёдаги энг бой шахслардан бири бўлган, унинг бойлиги тахминан 87 миллион АҚШ долларини ташкил қилган. Унинг жасади фалокатдан бир ҳафта ўтиб, JJA ўйиб ёзилган чўнтак соати билан бирга топилган.

Шунингдек, кимошди савдосида кема чўкаётганда чалинган скрипканинг футляри 360 минг фунт стерлингга (459 минг доллардан ортиқ) баҳоланган. Скрипканинг ўзи 2013 йилда 1,7 миллион долларга сотилган эди.

Аввалроқ Жеймс Кемерон томонидан суратга олинган, фильм охирида қаҳрамон Кейт Уинслет қочиб кетган “Титаник” фильмидаги эшик кимошди савдосида қарийб 720 минг долларга сотилгани хабар қилинганди.

Фильмнинг якуний қисмидаги қаҳрамон Уинслетнинг либоси 125 минг долларга сотилди, — дея қўшимча қилган Тhе Hollywood Reporter.