Швецияда аёл полиция ҳимоясида Қуръонни ёқиб юборди (видео)

Швецияда бир аёл полиция ҳимоясида мусулмонларнинг муқаддас китоби — Қуръонни ёқиб юборди. Бу ҳақда Туркиянинг Haber телеканали хабар берди.

Швеция пойтахти Стокгольмда Жаде Сандберг исмли исломга қарши аёл полиция ҳимоясида Қуръони каримни ёқиб юборди, — деб хабар қилди телеканал Х ижтимоий тармоқдаги саҳифасида акция видеосини кўрсатиб.

İSVEÇ’TE BİR ALÇAK EYLEM DAHA

İsveç’in başkenti Stockholm’de Jade Sandberg isimli İslam karşıtı bir kadın, polis korumasında Kur’an-ı Kerim yaktı. pic.twitter.com/XoIAKwYhT5

— A Haber (@ahaber) April 28, 2024

SVT телеканали Швеция полициясига мамлакатда “Евровидение” тадбири бошланишидан бир кун олдин, 3 май куни Қуръонни ёқиш акциясини ўтказиш бўйича навбатдаги сўровнома келиб тушганини хабар қилган.

Аввалроқ Ислом ҳамкорлик ташкилоти ва унинг кўплаб аъзолари Қуръоннинг ёқиб юборилишини кескин қоралаганди. Швеция расмийлари бундай ҳаракатларга рухсат берувчи жамоат тартиби тўғрисидаги қонунни қайта кўриб чиқишни бошлашлари ҳақида хабар беришган.