Har kuni apelsin iste’mol qilganda tanada qanday o‘zgarishlar ro‘y beradi?

Yorqin rangli, xushbo‘y va foydali bo‘lgin apelsinlar C vitaminiga boy mahsulot sifatida iste’mol qilinadi. Diyetologlar kundalik ovqatlanish tartibiga albatta bir dona apelsin qo‘shishni maslahat beradi. Har kuni sitrus meva iste’mol qilsangiz, organizmda quyidagi ijobiy o‘zgarishlar ro‘y beradi.

Ovqat hazm bo‘lishi yaxshilanadi

Shifokor-diyetolog Viktoriya Uittingtonning  ta’kidlashicha, kletchatka va antioksidantlarga boy apelsinlar hazm qilish tizimini yaxshilaydi, xolesterin darajasini nazorat qiladi. Ushbu meva qabziyatni davolaydi, ozishda yordam beradi, yo‘g‘on ichak saratoni rivojlanish xavfini kamaytiradi.

Immunitet mustahkamlanadi

Shifokor-diyetolog Kim Melton so‘zlariga ko‘ra, C vitamini turli kasalliklarga qarshi kurashishda muhim element hisoblanadi. Sitrus mevalari, jumladan, apelsin ham C vitaminiga boy bo‘lib, immun tizimini mustahkamlashga va turli kasalliklardan himoya qilishga yordam beradi.

Kayfiyat ko‘tariladi

Ilmiy tadqiqotlar oziq-ovqat va kayfiyat o‘rtasida kuchli bog‘liqlik borligini isbotlagan. Apelsin kayfiyatni ko‘taradi va depressiya alomatlarini kamaytirishga yordam beradi.

Yurak-qon tomir kasalliklari xavfi kamayadi

Apelsin qon tomirlarining elastikligini oshirish va qon bosimini normallashtirishda muhim rol o‘ynaydi. Bularning barchasi yurak-qon tomir tizimi faoliyatiga ijobiy ta’sir qiladi va tomirlarda tromb hosil bo‘lishi va torayishining oldini oladi. Apelsin tarkibidagi gesperidin va naringenin flavonoidlari yallig‘lanishni kamaytiradi va yurak faoliyatiga ijobiy ta’sir qiladi.

Alsgeymerga chalinish ehtimoli kamayadi

Ilmiy tadqiqotlar shuni ko‘rsatadiki, apelsin neyroprotektor — nerv tolalarini himoya qilish vazifasini bajaradi va keksayganda Alsgeymer kabi miya faoliyati bilan bog‘liq kasalliklar rivojlanishining oldini oladi.

Teri salomatligini ta’minlaydi

Apelsin tarkibidagi C vitamini ajinlarni kamaytirishga yordam beradi va kollagen hamda elastin ishlab chiqarishni rag‘batlantiradi. Shunday qilib, apelsinni yoshlikni saqlab qolishning eng samarali vositalaridan biri deb hisoblash mumkin.