Бошқа кўплаб хитой фильмлари сингари бу сериалларда ҳам фаол сюжет йўқ. Актёрлар ижроси ҳам кўпчилик томонидан танқид қилинган. Аммо энг ҳайратланарлиси шундаки, мазкур сериаллар ҳали ҳам севиб томоша қилинади. Биринчи эпизодданоқ ўзгача завқ оласиз.
“Яширин муҳаббат”
Сюжет жуда оддий, ҳатто бир оз таниш туюлади — ёшгина қиз акасининг дўстини севиб қолади, аммо у йигит ҳис-туйғуларига жавоб бермаслигини билади. Вақт ўтиши билан қиз улғайиб, севгилиси яшайдиган шаҳардаги университетга боради.
“Океанлар оша”
Су Ман сайёҳлик корпорациясида ишлайди, лекин шахсий ҳаётида қийин кунларни бошдан кечирмоқда. У эри билан ажрашгач, ватанига қайтади ва компания филиалларидан бирига раҳбарлик қилади. Табиийки, офисда Су Маннинг шахсий ҳаёти ҳақидаги ёқимсиз миш-мишлар тарқалади, аммо уни бу вазиятдан кутмаган одами қутқаради.
“Сени деб”
Аввалига ҳамма устидан кулган, аммо вақт ўтиб, ўзининг меҳнати билан қўшниларнинг меҳрини қозонган қиз ҳақидаги қизиқарли драма. Сирлар, жумбоқлар, кутилмаган сюжет бурилишлари — бу сериални томоша қилиш учун ҳамма нарса мавжуд. Албатта, бош қаҳрамоннинг рақиби ҳам бор.
“1949 йилда йўқолганлар”
Ушбу тарихий драма коммунистик жосуслар гуруҳи ҳақида ҳикоя қилади. Томоша қилиш қизиқарли ва ҳаяжонли. Чен Куннинг қойилмақом ижросини томоша қилиш эса ўзгача завқ беради. У ҳеч қачон мухлисларини хафа қилмайди.
“Сўнган юлдузлар боғи”
Фильмда бош қаҳрамон оддий меҳнаткаш ва ақлли қиз бўлиб, у ўз қобилияти туфайли мамлакатдаги энг нуфузли коллежлардан бирига ўқишга киради. Коллежда уни йўлдан уришга ҳаракат қиладиган ёш ва бой йигитларни учратади. Бироқ нафратдан севгигача бўлган масофа бир қадам, холос.
“Фақат сени севаман”
Қарама-қарши характерлар ҳақидаги мураккаб драма. Бош қаҳрамон — ҳеч бир ишнинг оқибати ҳақида ўйламайдиган безори қиз ва унинг синфдоши — ўта масъулиятли йигит ва мактабнинг энг яхши ўқувчиси. Бироқ ҳаёт уларга бирга ўқишни давом эттиришга имкон бермайди. Аммо келажакда улар яна учрашади ва бир-бирларига нисбатан илиқ туйғуларни ҳис қилишади.
“Эртаклардан келган ошиқлар”
Фантазия мавзуси хитойлик продюсерларни ҳам бефарқ қолдирмайди, шунинг учун улар эртак-ҳикояларни яратишда давом этмоқда. Бироқ бу эртак-фильм реал ҳаётга жуда яқин ва бу уни янада қизиқарли қилади. Умуман олганда, сюжет бир оз одатий кўриниши мумкин. Йигит сирли ва совуққон, қиз эса унда севги уйғотиши мумкин бўлган ягона одам. Томоша қилган вақтингизга афсусланмайсиз.
Изоҳ (0)