А Серия. “Ювентус” “Кальяри”га қарши баҳсда сўнгги дақиқаларда урилган гол эвазига мағлубиятдан қутулиб қолди

Футбол бўйича Италия А Сериясининг 33-турида “Кальяри” 19 апрель, жума куни “Ювентус”га қарши баҳс олиб борди.

Учрашувда Элдор Шомуродов асосий таркибда майдонга тушди. “Кальяри” ўйинни фаол бошлади ва 30-дақиқага келиб, ҳисобни очди. Гаэтано пенальтини аниқ амалга оширди. 36-дақиқада Мина ҳам пенальтидан унумли фойдаланди. Биринчи бўлим “Кальяри”нинг устунли билан якун топди.

Иккинчи бўлим бошида эса “Ювентус” ўзига келиб олди. 61-дақиқада Душан Влаҳович ҳисобни қисқартиришга муваффақ бўлди. 87-дақиқада эса Доссена автогол муаллифига айланиб, учрашув дуранг билан якунланишига сабабчи бўлди.

Қайд этиб ўтиш жоиз, Шомудоров 79-дақиқада ўз ўрнини Виолага бўшатиб берди. 

“Кальяри” ушбу дурангдан сўнг очколарини 32 тага етказди ва 13-ўриндан жой олди. Туринликлар эса 64 очко билан 3-поғонани банд этган.

А Серия

33-тур баҳси

19 апрель, жума

“Кальяри” — “Ювентус” 2:2

Голлар: 1:0 – 30 Гаэтано (пенальти), 2:0 – 36 Мина (пенальти), 2:1 – 61 Влаҳович, 2:2 – 87 Доссена (автогол).

“Кальяри”: Скуффет, Мина, Хасидякос (Ветеска, 87), Доссена, Аужелло, Нандес (Заппа, 79), Макумбу, Сулемана (Прати, 46), Гаэтано (Деёла, 69), Лувумбу, Шомуродов (Виола, 79).

“Ювентус”: Шенсни, Данило, Бремер, Гатти, Камбязо (Айлинг, 86), Веа (Маккенни, 68), Рабьо, Локателли (Милик, 74), Алъкарас (Йилдиз, 46), Къэза, Влахович.

Огоҳлантиришлар: Шенсни (35), Лувумбу (45+2), Веа (45+2), Бремер (48), Нандес (60).