Toshkentda marafon o‘tkazilishi sabab bir qator ko‘chalarda transportlar harakati cheklanadi

Toshkent shahrida 21-aprel kuni oltinchi BYD-Tashkent International Marathon va “Yangi nafas” marafoni bo‘lib o‘tadi. Bu haqda poytaxt hokimligi matbuot xizmati xabar berdi.

Shu munosabat bilan soat 04:30 dan 14:00 ga qadar quyidagi ko‘chalarda transport vositalari harakati vaqtincha cheklanadi:

• Afrosiyob ko‘chasi — Islom Karimov shohko‘chasi bilan chorrahadan Oybek ko‘chasigacha bo‘lgan qismi;
• Oybek ko‘chasi — Afrosiyob ko‘chasi bilan kesishgan chorrahadan Nukus ko‘chasigacha bo‘lgan qismi;
• Nukus ko‘chasi — Oybek ko‘chasi bilan chorrahadan Abdulla Qodiriy ko‘chasigacha bo‘lgan qismi;
• Abdulla Qodiriy ko‘chasining bir qismi — Nukus ko‘chasi bilan chorrahadan Qorasaroy va Zarqaynar ko‘chalari chorrahasigacha;
• Abdulla Qodiriy ko‘chasining bir qismi — Qorasaroy va Zarqaynar ko‘chalari bilan kesishgan joyidan Shahrisabz ko‘chasi bilan kesishgan chorrahasigacha;
• Shahrisabz ko‘chasining bir qismi — Abdulla Qodiriy ko‘chasi bilan chorrahadan Amir Temur shohko‘chasi bilan chorrahagacha;
• Afrosiyob ko‘chasi — Oybek ko‘chasi bilan kesishgan qismidan Sharof Rashidov shohko‘chasigacha bo‘lgan qismi;
• Sharof Rashidov shohko‘chasi — Afrosiyob ko‘chasi bilan chorrahadan Islom Karimov shohko‘chasigacha;
• Islom Karimov shohko‘chasi — Sharof Rashidov ko‘chasi bilan chorrahadan Afrosiyob ko‘chasigacha.

Eslatib o‘tamiz, 2023-yil mart oyida ham Toshkentda yugurish musobaqalari o‘tkazilishi sabab qator ko‘chalar avtomobillar harakati uchun yopilgandi.