Dushanbega tashrif chog‘ida Shavkat Mirziyoyev Emomali Rahmon bilan birgalikda poytaxt Ekspo markazida tashkil etilgan O‘zbekiston sanoat ko‘rgazmasiga tashrif buyurdi. Bu haqda O‘zbekiston prezidenti matbuot xizmati xabar berdi.
Yetakchilar “Made in Uzbekistan” brendi ostida tashkil etilgan pavilyon bilan tanishdi.
Unda O‘zbekiston avtomobilsozligining yuqori texnologik mahsulotlari, elektr va qishloq xo‘jaligi texnikasi, tayyor oziq-ovqat mahsulotlari, kimyo, to‘qimachilik, farmatsevtika va boshqa sanoat tarmoqlarining tovarlari namoyish etilgan.
Davlat rahbarlari yetakchi korxonalar kooperatsiyasini kengaytirish, o‘zaro tajriba va texnologiyalar bilan almashish zarurligini taʼkidladi.
Izoh (0)