Қарийб 37 млн нафарга етган Ўзбекистон аҳолиси, “табақалаштирилган тарифлар” бўйича электр энергияси ва газ нархи ўзгариши, президент раислигида ўтказилган видеоселектор йиғилиши — “Дарё” нашри бугун, 16 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Болалар омбудсмани Қашқадарёда мактаб ўқувчисининг унаштируви бўлгани юзасидан маълумот берди
Ҳолат бола ҳуқуқлари бўйича вакил ҳамда ички ишлар органлари томонидан ўрганилган.
Суриядаги террорчилар сафига қўшилган яна бир ўзбекистонлик қидирувга берилди
У Москвада ишлаб юрганида чечен миллатига мансуб шахснинг диний экстремистик оқим ғоялари таъсирига тушиб қолган.
Жиззахда йўловчи автобуси ариққа тушиб кетди (видео)
Ҳайдовчига биринчи тез тиббий ёрдам кўрсатилган.
Тошкент вилоятида салкам 100 гектар яйлов ер майдонини 70 минг долларга сотмоқчи бўлган маклерлар ушланди
Маклерлар мазкур ноқонуний ишни вилоят Қишлоқ хўжалиги бошқармаси бўлим бошлиғи ўринбосари, шўба бошлиғи ва 3 нафар бош мутахассис орқали ҳал қилмоқчи бўлган.
Тошкент вилоятида газ заправка собиқ ҳисобчиси салкам 1 млрд сўмни ўзлаштиргани аниқланди
У газ сотувидан тушган маблағни МЧЖнинг ҳисоб-рақамига кирим қилмаган.
Бош прокуратура департаменти бошлиғи ишдан олингани айтилди. Унинг матбуот котиби бундан бехабар
Масъул “Айни пайтда раҳбар ўз ўрнидами, ишдами?”, деган саволни эса очиқ қолдирди.
Тошкентдаги мактабда ўқитувчи ўқувчилар қўлига игна ва “саморез” санчиб жазолаб келгани маълум бўлди
Ҳолат Сергели туманидаги 277-мактабда содир бўлган.
Ўзбекистон аҳолиси қарийб 37 млн кишига етди
2024 йилнинг ҳар бир кунида доимий аҳоли сони ўртача 1,8 минг кишига кўпаймоқда.
Ўзбекистонда 1 майдан “табақалаштирилган тарифлар” бўйича электр энергияси ва газ нархи ўзгаради
Электр энергияси нархи истеъмолчиларнинг I ва II гуруҳларига кирувчи қисмига ўзгаришсиз қолмоқда.
Ўзбекистонда ишлаб чиқариш корхоналарининг солиқ қарзи очиқланди
Умумий 38 фоиз қарздорлик ўнта корхона ҳисобига тўғри келади.
Ўзбекистонда 2023 йилда тўқимачилик ва тикув-трикотаж маҳсулотларини ишлаб чиқариш 94 трлн сўмга етди
Президент раислигида тўқимачилик соҳасида экспорт ва инвестиция ҳажмини ошириш масалалари юзасидан видеоселектор йиғилиши бошланди.
Вилоят ҳокимларининг инвестиция бўйича ўринбосарлари экспортчиларга кўмаклашишдаги эътиборсизлиги учун танқид қилинди
Европа, Америка ва бошқа ривожланган давлатлар бозорига ёки брендларга экспорт ҳажмини ошириш учун корхонадан халқаро стандарт ва сертификат талаб этилади.
“Ягона тўғри йўлимиз — мавжуд хом ашёни тўлиқ қайта ишлаш орқали юқори қўшилган қиймат яратиш ва анъанавий арзон бозорлардан қиммат бозорларга кириб бориш” — президент
Давлат раҳбари тармоқда фаолият юритаётган корхоналар раҳбарлари билан мулоқот қилиб, уларнинг муаммолари ва таклифларини эшитди.
Электр энергияси ва табиий газга тарифлар ўзгармоқда. Кимга қандай енгилликлар бор?
2024 йилнинг май ойидан бошлаб электр энергияси ва табиий газга тарифлар ўзгариши муносабати билан кам таъминланган оилаларга ва айрим тоифадаги истеъмолчиларга ижтимоий ёрдамлар кўрсатилади.
Изоҳ (0)