“Операцияга машҳур актриса бўлиб кирдим ва ҳеч ким бўлиб чиқдим”: Голливуднинг унутилган таниқли актрисалари ҳозир қаерда?

Ушбу машҳур актрисалар иштирокидаги фильмларни биринчи марта томоша қилганлар уларни яхши эслайди. Лекин актрисаларнинг баъзилари бир образнинг асирига айланган бўлса, бошқалари карьерасини иккинчи планга қўйди. Ҳозирда бу юлдузларнинг номлари деярли унутилган, аммо бунга нима сабаб бўлган?

Мег Райан

Биз бу ажойиб актрисани “Сиэтллик бедорлар”, “Фаришталар шаҳри”, “Гарри Салли билан учрашганда”, “Кейт ва Лео”, “Сизга мактуб” фильмлари орқали эслаймиз. Мег бир неча бор “Олтин глобус” мукофотига номзод бўлган, унинг истеъдоди Америка актёрлари гилдияси томонидан қайд этилган ва юлдуз People журналига кўра, дунёдаги энг гўзал 50 нафар аёл рўйхатига киритилган. Райан мелодрамаларда суратга тушгач, аллақачон шаклланган образдан халос бўлишга бир неча бор ҳаракат қилади: 

Мен жуда тартибсиз роль ўйнадим: комедия, кейин драма, катта фильм, кейин кичик фильм. Нима қилаётганимни билмасдим. Мен ҳамманинг кўз ўнгида ўргандим.

2003 йилда Меган иштирокида “Эҳтироснинг қоронғи томони” фильми чиқди. Айнан шу фильм машҳурни пастга туширди — танқидчилар сюжетга турли хил баҳо берди, юлдузнинг ўзи эса Тhе New York Times газетасига берган интервьюсида ўзини гўё “ҳаётидаги сўнгги фильмда роль ўйнагандек ҳис қилган” ва ҳиссий чарчоқ туфайли карьерасидан танаффус олади.

2009 йилдан бери Райан кичик ролларни ижро этиб, ўз илтимосига биноан иш вақтини қисқартиради. Бунинг сабабларидан бири — муваффақиятсиз ўтказилган юз пластик жарроҳлиги. Айтганча, ҳозир актриса ўзини режиссёр сифатида кўпроқ ривожлантирмоқда — ўтган йили у ўзининг “Кейин нима бўлади” фильмида бош қаҳрамон Вилла ролини ўйнаган.

Клер Форлани

Клер Форлани Брэд Питт билан бирга “Танишинг, Жо Блэк” мелодрамасида бош ролни ижро этиб, томошабинларни мафтун этади. Stuff журналининг “100 нафар жозибадор аёл” рейтингида 51-ўринни эгаллайди ва шон-шуҳрат пойдеворини бирдан тарк этади. Актриса учун юқоридаги фильм премьерасидан сўнг, тез орада режиссёр Стивен Соммернинг 1998 йилда “Тубсизлик” фильмида иштирок этиш таклифини қабул қилади. Аммо Стивен ҳамкасбларига нопрофессионал муносабатда бўлишни бошлаганидан кейин ҳафсаласи пир бўлган актриса фильмни жанжал билан тарк этади.

Шундан сўнг 2000 йилда Форлани “Сеҳргарлар” комедиясида бош ролни ўйнайди ва 2011 йилгача карьерасида танаффус олади. Гап шундаки, 2007 йилда актриса актёр Дугрей Скоттга турмушга чиқиб, оиласига кўпроқ эътибор қарата бошлайди. Айтганча, эр-хотин фарзанд асраб олишади — болакайнинг исми Мило ва у 2014 йилда туғилган.

Линда Ҳемилтон

Аслида Линдани унутиш қийин, чунки у “Терминатор” фильмида Сара Коннор ролини ўйнаган. Ҳозирда ҳам Ҳемилтон ушбу фильм билан ассоциация қилинади, гарчи унинг фильмографиясида “Соҳибжамол ва махлуқ”, “Ижарага олинган тансоқчи” ва “Сокин тун” каби муваффақиятли фильмлар мавжуд бўлса ҳам.

Бундан ташқари, жорий йилнинг февраль ойида актриса Конорнинг ҳикоясига қайтмоқчи эмаслигини, лекин бошқа лойиҳаларда рол ўйнашдан бош тортмаслигини айтади. Айни пайтда 67 ёшли актриса дунё бўйлаб саёҳат қилишни, от минишни ва балиқ тутишни афзал кўради.

Менинг бошқа айтадиган гапим йўқ. Сара Коннор ҳикояси тугади. Нима учун кимдир Терминатор оламини қайта суратга олишни хоҳлаши менга ҳалигача номаълум. Аммо мен биламан, ҳозир бизнинг Голливуд дунёмиз қайта суратга олишлар устига қурилган, — дейди у Business Insider’га берган интервьюсида.

Женнифер Грэй

1987 йилда чиққан “Шаҳвоний рақс” кам бюджетли лойиҳа бўлиб, ундан Женнифер дунё миқёсида шуҳрат қозонишни кутмаганди — роли учун у “Энг яхши актриса” номинациясида “Олтин глобус” мукофотини олади.

Фильм чиқиши билан касса тушумлари картина бюджетидан 30 баравар ошиб кетади ва режиссёрларда Грэй катта таассурот қолдиради. Агар унинг бурни операция бўлмаганида, ҳозир ҳам у экранлардан тушмасди. Актриса бурнининг шаклидан қониқмайди, 1989 йилда Женнифер пластик жарроҳга мурожаат қилишга қарор қилади ва охир-оқибат бурнини “ҳамманики каби” қилдиради. Фильм ижодкорлари Женнифернинг жўшқинлигини йўқотиб, қолипга тушган қизга айланганини айтиб, у билан шартномаларини бекор қилади. 

Мен операция хонасига машҳур одам бўлиб кирдим ва ҳеч ким бўлиб чиқдим. Энди муваффақиятсиз жарроҳлик туфайли ҳеч ким танимайдиган машҳур актриса бўлиб қоламан, — дейди афсус билан.

2016 йилда Грэйга “Шаҳвоний рақс” фильмининг давомида иштирок этиш таклиф қилинади, аммо бошқа ролда. Актриса бу фикрни қатъиян рад этиб, у энди ўша Беби эмаслигини эслатади.

Юлдуз ҳали ҳам фильмларда суратга тушишда давом этмоқда, лекин бу роллар унга аввалгидек шон-шуҳрат келтирмайди.

Жина Дэвис

Жина “Телма ва Луиза”, “Битлжуз”, “Пашша”, “Стюарт Литтл” ва “Чақирилмаган сайёҳ” фильмлари билан ёдда қолган. Иккинчи пландаги роли учун актриса “Оскар” мукофоти билан тақдирланган.

2005 йилда Дэвис “Президент-аёл” фильмида Америка президенти сифатида роль ўйнаб, оламшумул машҳурликка эришади. Бунинг учун у “Олтин глобус” билан тақдирланган.

Ҳозирда 68 ёшли актриса роль ўйнашда давом этмоқда, аммо унинг роллари катта машҳурлик келтирмайди. Унинг ўзи айтганидек, Голливуд одамларни ёшига қараб камситади:

Голливудда актрисага энг юқори талаб 20 ёшдан 30 ёшгача, актёр учун эса 30 ёшдан 40 ёшгача. Агар 50 ёшдан ошган бўлсангиз, 99 фоиз кастингда сизни четлатишади. Ёшим 30 дан ошганида кастингдан ўтолмадим, чунки фильмдаги партнёрим ўрнимга ёшроқ актриса бўлишини талаб қилди. Лекин мен ўша актёрдан 20 ёш кичик эдим!

Шундай бўлса-да, Жина ҳозирда актёрликдан кўра муҳимроқ касбга эга: у китоблар ёзади, ўз номи билан аталган фондни ривожлантиради, унда у спорт, журналистика ва кўнгилочар индустрияда тенг ҳуқуқлиликни ҳимоя қилади.