Свердловск вилоятининг бир қатор шаҳарларида Россия фуқаролигини олган, аммо ҳарбий хизматда рўйхатдан ўтмаган шахсларни аниқлаш бўйича рейдлар ўтказилди, 900 дан ортиқ мигрант рўйхатга олинди. Бу ҳақда “Интерфакс” хабар берди.
Биз яқинда Россия фуқаролигини олган жами 920 дан ортиқ кишини рўйхатга олишга муваффақ бўлдик, улардан 130 дан ортиғи Россия қуролли кучлари сафига чақирув ва шартнома бўйича ҳарбий хизматга жўнаб кетган, — дейилади департамент хабарида.
Бундай рейдлар Екатеринбург, Нижний Тагил, Первоуралск, Богданович ва Сухой Лог шаҳарларида меҳнат муҳожирлари оммавий тўпланадиган жойларда – озиқ-овқат бозорлари, улгуржи сабзавот омборлари, ётоқхоналарда ўтказилган.
Шунингдек, Россия Ички ишлар вазирлиги Москвадаги рейддан кейин 800 дан ортиқ ноқонуний муҳожирларни депортация қилади. Пойтахтда ноқонуний миграцияга қарши кураш бўйича ўтказилган рейд давомида полиция 6 мингдан ортиқ қоидабузарликлар аниқлаган ва 800 дан ортиқ ноқонуний мигрантларни Россиядан чиқариб юборишга қарор қилган.
Полициянинг аниқлик киритишича, рейд давомида хавфсизлик кучлари томонидан турар жой сектори, улгуржи ва чакана савдо, умумий овқатланиш шохобчалари, қурилиш ва бошқа10 мингдан ортиқ объект кўздан кечирилган.
Изоҳ (0)