МАГАТЭ Халқаро атом энергияси агентлиги ходимлари Запорожье атом электр станциясидаги (ЗАЭС) сўнгги текширувлар чоғида станциянинг миналаниши билан боғлиқ ҳеч қандай белгиларни топмади. Бу ҳақда 5 июль куни ташкилот бош директори Рафаэль Гросси Японияда журналистлар билан суҳбатда маълум қилди.
“Охирги текширувларимиз давомида (ЗАЭСда) ҳеч қандай миналаш белгиларини аниқламадик, аммо ҳушёрликни сақлашда давом этамиз”, — деди Grossи.
У, шунингдек, “ҳарбий ҳаракатлар АЭСга жуда яқин жойда кечаётганини, шу муносабат билан МАГАТЭ ходимлари вазият ҳақида доимий равишда хабар беришини” айтди.
Grossининг сўзларига кўра, МАГАТЭ ходимлари ЗАЭС ҳудудидаги яна бир нечта жойларга кириш учун рухсат сўраган.
“МАГАТЭ экспертлари қўшимча жойларга киришга рухсат сўраб, мурожаат қилди. Бу майдонда мина ёки портловчи моддалар йўқлигига ишонч ҳосил қилиш учун зарур”, — деди у. “Хусусан, 3 ва 4-реакторлар устидаги томга, трубиналар залига ва АЭС совитиш тизимининг айрим қисмларига кириш керак”.
5 июль куни Россия президенти матбуот котиби Дмитрий Песков ЗАЭС атрофида вазият анча таранглигини, Украина ҳукумати томонидан йирик саботаж таҳдиди мавжудлигини айтганди.
Июнь охирларида эса Украина президенти Владимир Зеленский Москвани Запорожье АЭСда теракт тайёрлашда айблаган.
Изоҳ (0)