Ўзбекистоннинг 2024 йилдаги ялпи ички маҳсулот ўсиши 5,3 фоиз даражасида бўлиши прогноз қилинмоқда, 2023 йилда бу 6 фоизни ташкил қилган. Жаҳон банки ўзининг тегишли ҳисоботини эълон қилди.
Ҳисоботга кўра, фискал рағбатлантириш шароитида Ўзбекистон иқтисодиёти 2023 йилда 6 фоизга ўсган. ЯИМ ўсиши бўйича прогнознинг пасайишига Ўзбекистоннинг асосий савдо ҳамкорлари бўлган Россия ва Хитойга кутилаётган фискал консолидация ва экспортнинг секинлашиши сабаб бўлмоқда. Ички рисклар давлат корхоналари, давлат-хусусий тадбиркорлик субъектлари ва давлат банкларининг ўсиб бораётган шартли мажбуриятларидан келиб чиқади. Юқори хавфлар қаторига глобал олтин ва мис нархларининг ошиши ва давом этаётган таркибий ислоҳотлар туфайли ҳосилдорликнинг кучли ўсиши киради.
Ички энергия нархларининг нисбатан кескин ошиши ҳисобига 2024 йилда инфляциянинг ошиши кутилмоқда. Ўрта муддатли истиқболда инфляция даражаси 8 фоизга секинлашиши мумкин, бу Марказий банкнинг 5 фоизлик кўрсаткичидан юқори.
Импорт ўсиши 2024 йилда секинлашиши кутилмоқда, аммо импорт ҳам иқтисодий модернизация, ҳам истеъмол ўсишини қўллаб-қувватлагани сабабли динамик бўлиб қолмоқда. 2024 йилда пул ўтказмалари асосан Россияга меҳнат муҳожирлари сонининг кутилаётган қисқариши ҳисобига камайиши мумкин.
“Пул ўтказмаларининг қисқариши ва кучли импорт билан жорий ҳисоб тақчиллиги бир оз кенгаяди, лекин барқарор бўлиб қолади, чунки Ўзбекистондаги трансформация жараёни тақчилликни молиялаштириш учун хорижий жамғармаларни олиб келади”.
Ушбу иқтисодий истиқбол 2024 йилда қашшоқликни 4,3 фоизгача камайтириши кутилмоқда. Катта, мақсадсиз энергия субсидиялари ва давлат корхоналарини самарасиз рағбатлантириш бекор қилингани сабабли, хусусийлаштиришдан тушган тушумлар фонида бюджет тақчиллиги 2024 йилда ЯИМнинг 4,2 фоизига, 2026 йилга келиб эса ЯИМнинг 3 фоизига тушиши кутилмоқда.
Изоҳ (0)