“Реал” футболчиси Родриго “Манчестер Сити”га қарши ўйиндаги голини Криштиану Роналду сингари нишонлаганига изоҳ берди.
“Ҳар доим Криштианунинг клипларини томоша қиламан. Баъзида руҳланиш учун ўйиндан олдин кўраман. Гол урганимдан сўнг, худди Роналдудек нишонлаш хаёлимга келди.
Ёшлигим ҳақида эсласам, Кришнинг Чемпионлар Лигасидаги ўйинлари, мухлислар унинг исмини баралла айтиши ёдимга келади.
У менинг кумирим, буни доим такрорлайман. Шунинг учун голни худди Роналдудек нишонлашим уни қанчалик ҳурмат қилишимни англатади”, — дейди бразилиялик футболчи.
23 ёшли футболчи Чемпионлар Лигаси чорак финалида “Манчестер Сити” дарвозасига иккинчи голни урди ва уни “Ан-Насср” ҳужумчисига тақлид тарзида нишонлади.
Изоҳ (0)