Исроилда ҲАМАС томонидан асирга олинганларнинг озод этилишини талаб қилиб ўтказилган митингда одамлар устига автомашина келиб урилган. Уч киши жароҳатланган ва уларга тиббий ёрдам кўрсатилмоқда, дея хабар беради The Times of Israel полиция маълумотларига таяниб.
Икки жабрланувчининг аҳволи енгил, учинчисининг аҳволи ўртача. Ҳужум қилган ҳайдовчи полиция уни куч билан тўхтатмагунча ҳайдашда давом этган.
Ташкилотчиларнинг сўзларига кўра, Тель-Авивда ҲАМАСнинг Исроилга ҳужум бошлаганига олти ой тўлиши муносабати билан уюштирилган митингда 100 минг киши тўпланган. Митингда намойишчилар ва ҳуқуқ-тартибот идоралари ўртасида тўқнашувлар юз берди. Айрим намойишчилар йўлларни тўсишга киришди.
Намойишчилар йўлда олов ёқишга ҳаракат қилишган. The Times of Israel газетаси мухбири тўрт нафар намойишчи ҳибсга олинганига гувоҳ бўлганини ёзган.
Изоҳ (0)