Isroilda HAMAS tomonidan asirga olinganlarning ozod etilishini talab qilib o‘tkazilgan mitingda odamlar ustiga avtomashina kelib urilgan. Uch kishi jarohatlangan va ularga tibbiy yordam ko‘rsatilmoqda, deya xabar beradi The Times of Israel politsiya ma’lumotlariga tayanib.
Ikki jabrlanuvchining ahvoli yengil, uchinchisining ahvoli o‘rtacha. Hujum qilgan haydovchi politsiya uni kuch bilan to‘xtatmaguncha haydashda davom etgan.
Tashkilotchilarning so‘zlariga ko‘ra, Tel-Avivda HAMASning Isroilga hujum boshlaganiga olti oy to‘lishi munosabati bilan uyushtirilgan mitingda 100 ming kishi to‘plangan. Mitingda namoyishchilar va huquq-tartibot idoralari o‘rtasida to‘qnashuvlar yuz berdi. Ayrim namoyishchilar yo‘llarni to‘sishga kirishdi.
Namoyishchilar yo‘lda olov yoqishga harakat qilishgan. The Times of Israel gazetasi muxbiri to‘rt nafar namoyishchi hibsga olinganiga guvoh bo‘lganini yozgan.
Izoh (0)