Россиянинг Белгород вилоятида 11 та аҳоли пункти дронлар ҳужуми туфайли электрсиз қолди

Россиянинг Белгород вилоятидаги 11 та аҳоли пункти электр таъминотидан узилиб қолди. Бу ҳақда “ТАСС” нашри хабар қилди.

Манбага кўра, дастлаб вилоятнинг Задорожний қишлоғига Украина ҳарбий дронидан портловчи мослама туширилган. Ҳудудда электр узатув станцияси вайрон бўлиши ортидан эса яқин атрофдаги 11 та аҳоли пункти электр таъминотисиз қолган.

Белгород губернатори Вячеслав Гладков қайд этишича, тез орада фавқулодда вазиятлар бригадалари ҳужум оқибатларини бартараф этишга киришади. Қўшни вилоятлардан ҳам ёрдам кучлари чақирилган.

“Краснояружский туманидаги Задорожний қишлоғи чеккасига Украина қуролли кучлари дронлар ёрдамида ҳужум қилди. Қурбонлар йўқ, аммо электр узатиш линияси шикастланган, 11 аҳоли пункти электр таъминотисиз қолган”, — дейилади вилоят расмийлари берган хабарда.