Ғазода гуманитар хизматчиларнинг ҳалок бўлиши муносабати билан 40 нафар америкалик конгрессмен АҚШ президенти Жо Байден ва давлат котиби Энтони Блинкенни Исроилни қурол билан таъминлашни тўхтатишга чақирди.
Ёрдам ходимларига қарши яқинда уюштирилган ҳужум ва тобора кучайиб бораётган гуманитар инқирозни ҳисобга олиб, биз ушбу қурол-яроғ ўтказмаларини маъқуллашни асоссиз деб ҳисоблаймиз. Сизни яна бир бор ҳаво ҳужуми бўйича тергов тугагунига қадар ҳар қандай ҳужумкор қурол ўтказишдан тийилишга чақирамиз, — дейилади ҳужжатда.
Конгресс аъзолари, шунингдек, Байден ва Блинкенни халқаро қонунларга мос келадиган шартларга риоя қилиш, агар Исроил Ғазога гуманитар ёрдамни ташиш ва етказиб беришни рад этса ёки чекласа, Исроилга жўнатмаларни беришни тўхтатишга чақирмоқда.
World Central Кitchen нотижорат ташкилоти 2 апрель куни Исроилнинг Ғазога уюштирган ҳужумида унинг етти нафар ходими ҳалок бўлганини, қурбонлар Австралия, Польша, Британия, АҚШ ва Фаластиндан эканини маълум қилган эди. Бир қатор давлатлар воқеа юзасидан тергов ўтказишни талаб қилмоқда.
БМТ бош котибининг гуманитар масалалар бўйича ўринбосари Мартин Гриффитс Исроилнинг зарбаси натижасида нодавлат ташкилот ходимларининг ўлимини “даҳшатли” деб атаган ва ҳужум қасддан қилинганми ёки йўқ, бундан қатъи назар жиноят эканлигини таъкидлаган.
Изоҳ (0)