Республикачи Майк Жонсон АҚШ Конгресси Вакиллар палатаси спикери бўлди, деб хабар бермоқда CNN. Уни 220 нафар республикачи конгрессмен қўллаб-қувватлади. Ғалаба қозониш учун 217 овоз тўплаш керак эди.
Телеканал қайд этганидек, Жонсон АҚШ собиқ президенти Дональд Трампнинг фаол тарафдори ҳисобланади. Хусусан, Жонсон Вакиллар палатасида импичмент пайтида Трампнинг ҳуқуқий ҳимоясига раҳбарлик қилган ва АҚШ Олий судидан 2020 йилги президентлик сайлови натижаларини бекор қилишни сўраган, деб ёзади сиёсатшунос Ян Веселов.
Шу билан бирга, Тhе Washington Post газетасининг қайд этишича, Жонсон Украинага ёрдам беришга қарши. Хусусан, 2022 йил май ойида у Украинага тахминан 40 миллиард долларлик ёрдам пакетига қарши овоз берди.
Октябрь ойи бошида Вакиллар палатаси аввалги спикер Кевин Маккартига ишончсизлик вотумини олганди. Шу тариқа АҚШ тарихида биринчи марта спикер вотум билан лавозимидан четлаштирилди.
Изоҳ (0)