Криштиану Роналду “Ан-Насср”га собиқ футболчи Фернандо Йэрро олиб келинишини хоҳламоқда.
Йэрро ва Саудия клуби ўртасидаги дастлабки алоқалар январь ойида бўлганди, ўшанда Фернандо клубда ишлашдан бош тортган. Шундан сўнг раҳбарият Португалиядан спорт директори излашни бошлаганди.
Бироқ, сўнгги вақтларда “Реал” афсонаси ва “Ан-Насср” ўртасидаги алоқалар яна тикланган, дея хабар бермоқда Marca нашри.
Роналду Йэррони қадрлайди ва у футболда нималарга эришганини жуда яхши билади. Криштиану у “Ан-Насср”ни Европа даражасига олиб чиқа олади деб ҳисоблайди.
Фернандо “Ан-Насср”нинг таклифни қабул қилиши кутилмоқда. Йэрро ҳозирда Мексиканинг “Гвадалахара” жамоаси спорт директори лавозимида фаолият олиб бормоқда.
Изоҳ (0)