Саудия Арабистони чемпионатининг 26-туридан ўрин олган навбатдаги учрашув сешанба, 2 апрель куни бўлиб ўтди. Унда “Ан-Насср” сафарда “Абҳа” меҳмони бўлди.
Криштиану Роналду бу ўйинда ҳет-трик қайд этиб жамоасининг йирик ҳисобда ғалаба қозонишига ёрдам берди. “Ан-Насср” учрашувда 8:0 ҳисобида ғалаба қозонди.
Ўз ҳисобига учта гол ёздириб қўйган Роналду, ўзига тегишли бир нечта натижаларни янгилаб олди.
- Португалиялик футболчи “Ан-Насср” сафида 60 ўйинда майдонга тушди ва ушбу ўйинларда 56 гол ва 14 голли узатмани амалга оширди.
Ҳет-трик қайд этган Роналду 30 март куни у “Ат-Таи” дарвозасига ҳам учта гол уришга эришган эди.
Сўнгги бор ҳужумчи 2015 йилда “Реал” сафида ўйнаб кетма-кет иккита ҳет-трик қайд этганди. Ўшанда у 12 сентябрь куни Ла Лигада “Эспанёл”га 5 та, 15 сентябрда эса Чемпионлар лигасида “Шахтёр”га 3 та гол урганди.
- Португалиялик футболчи фаолияти давомида 65 та ҳет-трик қайд этган. Аргентиналик Месси 57 та ўйинда шундай натижага эришган. ҳет-трикларнинг 29 тасида Роналду голларнинг бирини пенальтидан урган. Мессида эса бу ҳолат 12 бор қайд этилган.
- Роналду “Абҳа”га қарши ўйинда жарима тўпидан икки бор гол урди.
Охирги марта форвард 2023 йил 23 март куни Португалия терма жамоаси сафида Лихтенштейнга қарши ўйинда жарима зарбасини голга айлантирган эди.
Роналду охирги марта 2011 йилнинг 15 майида жарима зарбасидан дубль қайд этган. Ўшанда футболчи “Реал”нинг “Вильярреал” устидан қозонилган ғалабасида иштирок этган.
Умумий олганда, 39 ёшли футболчи жарима зарбаларидан 63 та гол урди. Лионель Мессида эса бу кўрсаткич 65 та.
Ушбу ғалабадан сўнг Ар-Риёд жамоаси очколари сонини 62 тага етказиб, мусобақа жадвалида 2-ўринда бормоқда.
Изоҳ (0)