Бирлашган Миллатлар Ташкилоти расмийси 4 апрель куни Мьянмада давом этаётган зўравонликларнинг инсонпарварлик оқибатларидан хавотир билдирди, дея Anadolu хабар берди.
Мьянмада 2021 йилдан бери давом этаётган можаронинг авж олиши бутун мамлакатга жиддий таъсир кўрсатмоқда.
БМТ Хавфсизлик кенгашининг Мьянма бўйича йиғилишида БМТнинг гуманитар молиялаштириш ва ресурсларни сафарбар қилиш бўлими раҳбари Лиза Доутен гуманитар таъсирлар муҳим ва чуқур ташвишга солаётганини айтган.
Мьянмада одамлар ўз ҳаётлари учун қўрқув билан яшаётганини таъкидлаган Доутен 2,8 миллион нафар одамнинг ҳудуддан кўчирилганини маълум қилган.
Ушбу одамларнинг аксарияти озиқ-овқат, бошпана талаб қилмоқда. Қочоқлар сони ортиб бораётгани сабабли инқирозга халқаро ва минтақавий эътиборни қаратиш, минтақада қочқинлар ҳимоясини кучайтириш масаласига алоҳида эътибор қаратиш муҳим, — такидлади Доутен.
БМТ расмийси озиқ-овқат хавфсизлиги 2024 йилда Мьянмада 12,9 миллион нафар кишига таъсир кўрсатганини қўшимча қилган. Шунингдек, сўнгги уч йил ичида таълимдаги жиддий узилишлар деярли 12 миллион ўқувчини қамраб олган.
Унинг қўшимча қилишича, инқироз аёллар ва қизларга номутаносиб равишда таъсир кўрсатмоқда.
Аёлларнинг деярли 9,7 миллион нафари инсонпарварлик ёрдамига муҳтож, зўравонликнинг кучайиши уларнинг заифлигини, одам савдоси ва гендер зўравонлигини кучайтирмоқда, — деди у.
Бутун Мьянма гуманитар ҳамжамиятининг ҳисоб-китобларига кўра, 2024 йилда 18,6 миллион киши инсонпарварлик ёрдамига муҳтож, бу 2021 йил февралидан бери 19 баравар кўп.
2017 йилда Мьянма ҳарбийлари Роҳингя штати шимолидаги роҳингяликларга қарши зўравонлик амалиётларини бошлаган эди. Тахминан 1,2 миллион роҳингялик қўшни Бангладешга мажбуран кўчирилган, улар йиллар давомида қочқинлар лагерларида яшаб келмоқда.
2021 йилда Мьянмада Аунг Сан Су Чи ҳукумати ағдарилганидан бери Мьянма ҳарбийлари унинг бошқарувига қарши бўлган миллионлаб одамларга нисбатан шафқатсиз умуммиллий тазйиқ ўтказиб келмоқда.
Изоҳ (0)