BMT: Myanma mojarosining gumanitar oqibatlari o‘ta tashvishli

Birlashgan Millatlar Tashkiloti rasmiysi 4-aprel kuni Myanmada davom etayotgan zo‘ravonliklarning insonparvarlik oqibatlaridan xavotir bildirdi, deya Anadolu xabar berdi.

Myanmada 2021-yildan beri davom etayotgan mojaroning avj olishi butun mamlakatga jiddiy taʼsir ko‘rsatmoqda.

BMT Xavfsizlik kengashining Myanma bo‘yicha yig‘ilishida BMTning  gumanitar moliyalashtirish va resurslarni safarbar qilish bo‘limi rahbari Liza Douten gumanitar ta’sirlar muhim va chuqur tashvishga solayotganini aytgan.

Myanmada odamlar o‘z hayotlari uchun qo‘rquv bilan yashayotganini ta’kidlagan Douten 2,8 million nafar odamning hududdan ko‘chirilganini ma’lum qilgan.

Ushbu odamlarning aksariyati oziq-ovqat, boshpana talab qilmoqda. Qochoqlar soni ortib borayotgani sababli inqirozga xalqaro va mintaqaviy e’tiborni qaratish, mintaqada qochqinlar himoyasini kuchaytirish masalasiga alohida e’tibor qaratish muhim, — takidladi Douten.

BMT rasmiysi oziq-ovqat xavfsizligi 2024-yilda Myanmada 12,9 million nafar kishiga ta’sir ko‘rsatganini qo‘shimcha qilgan. Shuningdek, so‘nggi uch yil ichida ta’limdagi jiddiy uzilishlar deyarli 12 million o‘quvchini qamrab olgan.

Uning qo‘shimcha qilishicha, inqiroz ayollar va qizlarga nomutanosib ravishda  ta’sir ko‘rsatmoqda.

Ayollarning deyarli 9,7 million nafari insonparvarlik yordamiga muhtoj, zo‘ravonlikning kuchayishi ularning zaifligini, odam savdosi va gender zo‘ravonligini kuchaytirmoqda, — dedi u.

Butun Myanma gumanitar hamjamiyatining hisob-kitoblariga ko‘ra, 2024-yilda 18,6 million kishi insonparvarlik yordamiga muhtoj, bu 2021-yil fevralidan beri 19 baravar ko‘p.

2017-yilda Myanma harbiylari Rohingya shtati shimolidagi rohingyaliklarga qarshi zo‘ravonlik amaliyotlarini boshlagan edi. Taxminan 1,2 million rohingyalik qo‘shni Bangladeshga majburan ko‘chirilgan, ular yillar davomida qochqinlar lagerlarida yashab kelmoqda.

2021-yilda Myanmada Aung San Su Chi hukumati ag‘darilganidan beri Myanma harbiylari uning boshqaruviga qarshi bo‘lgan millionlab odamlarga nisbatan shafqatsiz umummilliy tazyiq o‘tkazib kelmoqda.