Қозоғистон президенти Қосим-Жўмарт Тўқаев Шанхай Ҳамкорлик Ташкилотига (ШҲТ) аъзо давлатлар хавфсизлик кенгашлари котиблари билан учрашувда мамлакат ҳудудидан халқаро террорчилик ташкилотлари фойдаланмасликлари эҳтимолини истисно этиш мақсадида Афғонистондаги вазиятни фаол мониторинг қилиш муҳимлигини таъкидлади. Бу ҳақда ОАВ давлат раҳбари матбуот хизматига таяниб хабар берди.
Яқин Шарқдаги зиддият хавфсизликка путур етказувчи жиддий омил бўлиб қолмоқда. Унинг фожиавий оқибатларидан тинч аҳоли ўзида ҳис этди. Минтақавий барқарорликка ўнглаб бўлмас зарар етказилди. Кескинлашувнинг янада кучийишининг олдини олиш мақсадида юқори даражадаги дипломатия зарур. Умуман олганда, халқаро кескинлик ҳали ҳам сақланиб қолмоқда, деб айтиш мумкин. Дунё аҳолисининг ярмини ташкил этувчи ташкилотимиз хавфсиз ва адолатли дунё формуласини таклиф қила олишига ишончим комил – деди президент.
Сўнгра давлат раҳбари Қозоғистон очиқ сиёсий-дипломатик мулоқот, шунингдек, глобал ва минтақавий шериклари билан конструктив муносабатларни давом эттириш тарафдори эканини таъкидлади.
Биз Евросиё хавфсизлигининг ажралмаслиги тамойилига амал қиламиз, бу ўзаро тушуниш ва ишончни мустаҳкамлаш чораларини яратишни назарда тутади. Бундай ёндашув ШҲТ периметри бўйлаб хавфсизлик камарини шакллантириш бўйича стратегик вазифанинг асосини ташкил қилиши керак. Қозоғистон халқаро тинчлик ва давлатларнинг хавфсиз ҳамкорликда яшашини таъминлашга қўшимча ҳисса қўшишни ташкилотга раислигининг устувор йўналиши деб билади.
Шу боис биз ШҲТнинг “Адолатли тинчлик ва ҳамжиҳатлик учун жаҳон бирлиги тўғрисида” ташаббусини биргаликда ишлаб чиқиш ва қабул қилишни таклиф этдик. Қозоғистон томони бундай ўта муҳим ҳужжат лойиҳасини муҳокама қилиш жараёнида ушбу масала бўйича мослашувчанликни намоён этишга тайёр – деб қайд этди сиёсатчи.
Изоҳ (0)