“Ал-Ҳилол” ҳужумчиси Неймар клубдан уни “Барселона”га ижарага беришни сўради. Бу ҳақда Sport.es хабар бермоқда.
Манба берган хабарга кўра, бразилиялик футболчи тиззасидан олган жароҳатидан тузалгач, испан клубида бир йил ижара асосида тўп сурмоқчи. Қайд этилишича, клублар футболчининг трансфери бўйича ҳозирча ҳеч қандай музокара ўтказмаган.
Эслатиб ўтамиз, “Ал-Ҳилол” кетма-кет 29 ўйинда ғалаба қозониб, Саудия Арабистони чемпионатида 68 очко билан биринчи ўринда бормоқда ва иккинчи ўринда бораётган Криштиану Роналду тўп сураётган “Ан-Насср” жамоасидан 12 очко олдинда.
Жорий мавсумда Неймар барча мусобақаларда бешта учрашувда қатнашиб, битта гол ва учта голли узатмага муаллифлик қилди. Бразилиялик футболчи жароҳат туфайли мавсумнинг катта қисмини ўтказиб юборди.
Неймар аввалроқ “Барселона”да ўйнаган ва Каталония клуби билан Чемпионлар Лигасида ғолиб чиққан.
Изоҳ (0)