Афғонистоннинг Балх вилоятида “Толибон” номаҳрам аёлга қўл тегизган эркакни жамоат олдида қамчилади. Бу ҳақда мамлакат Олий суди хабар берди.
Суд “номаҳрам аёлга тегинишда” айбланган шахсни 25 дарра қамчилаш ва олти ой қамоқ жазосига ҳукм қилган. Айбдорни қамчилаш жазоси 2 апрель куни омма олдида ижро этилган.
“Ноқонуний алоқалар ва ҳаромга тегиниш зино саналади, ислом динида бу фаҳш иш ҳисобланади, айбдор жазога лойиқ”, — дейди Балхдаги “Толибон” арбитраж суди раҳбари Муҳаммад Гулаб Фаруқий.
Бундан олдин ҳам “Толибон” одамларни ноқонуний муносабатлар, зинокорлик ва уйдан қочиш айбловлари билан суд қилиб, омма олдида қамчилаган. 2 апрель куни “Толибон” Олий суди томонидан Хост ва Қандаҳор вилоятларида беш кишига қамчилаш жазоси берилган.
Бу одамларнинг жазоланиши жамоатчилик орасида норозиликка сабаб бўлга ва танқидчилар буни инсон қадр-қимматига зид деб ҳисоблайди. Аммо яқинда “Толибон” етакчиси Ҳайбатуллоҳ Охундзода айбдорларни очиқ тарзда, жумладан, айбланувчиларни омма олдида қамчилаш ва аёлларни тошбўрон қилишни давом эттиришга чақирганди.
Изоҳ (0)