“Толибон” ҳижоб ўраш талабига риоя қилмаган аёлларни ҳибсга олаётганини маълум қилди. Бу ҳақда Sputnik Афғонистон хабар берди.
“Толибон” матбуот котиби Забиҳуллоҳ Мужоҳиднинг ТОLOnews телеканалига айтишича, улар хориждан келган буйруқ билан Афғонистонда ҳижобни бойкот қилишни тарғиб қилаётган “жосуслар”ни шу йўл билан жазолайди. Унинг сўзларига кўра, аёллар бир неча соат давомида аёл полициячилар томонидан ушлаб турилади. Бу вақтда уларнинг қариндошлари иштирокида тушунтириш суҳбати ўтказилади — ҳеч ким қамоққа юборилмайди.
Эслатиб ўтамиз, Афғонистонда 2023 йил июнь ойида “Толибон” ҳомиладор аёлни ҳижобга риоя қилмаганликда айблаганди. Ҳолат юзасидан аёлнинг эри ва ўғли билан суҳбат олиб борилган. Шундан сўнг ҳомиладор аёл ўгай ўғли томонидан эрининг кўз ўнгида пичоқланган. “Толибон” ҳолат юзасидан аёлнинг эрини ҳибсга олган, бироқ қотил қочиб кетган.
Изоҳ (0)