Афғонистоннинг Хост вилоятида ёш аёл эри томонидан отиб ўлдирилди. Воқеа 21 январь, якшанба куни вилоятнинг Сабри туманида содир бўлган. Бу ҳақда “Дарё” мухбири хабар берди.
Ушбу ҳодисанинг сабаби ва мақсади номаълумлигича қолмоқда. Аммо “Толибон”нинг Хостдаги хавфсизлик қўмондонлиги матбуот котиби бу хабарни тасдиқлаган ва бу ишда айбланаётган шахс ҳибсга олинганини айтган. Эркак дастлабки тергов жараёнида ўз хотинини оғзаки жанжал пайтида ўлдирганини тан олган.
Мазкур воқеа Афғонистондаги оилаларда зўравонликлар кузатилаётгани бўйича хавотирни кучайтиради. Сўнгги йилларда мамлакатда оилавий зўравонлик ҳолатлари кўпайиб, кўпинча ҳалокатли оқибатларга олиб келди.
Афғонистонда аёлларга нисбатан жорий қилинган тақиқлар қуйидагилар:
- афғонистонлик аёлларнинг БМТ идораларида ишлаши;
- эркакларга аёллар учун кийим тикиш;
- аёлларнинг эркак шифокорларга бориши;
- аёлларнинг шифохонага ёлғиз бориши;
- аёлларнинг истироҳат боғига ташриф буюриши,
- оилалар ва аёлларнинг боғлари ёки яшил ҳудудлари бўлган ресторанларга кириши,
- аёллар овози эшитилган рекламаларни эфирга узатиш тақиқланган.
Изоҳ (0)