Британия қироли Карл III аскар ва зобитларнинг соқол ўстиришига қўйилган салкам бир асрлик тақиқни бекор қилди. Бу ҳақда Тhe Times хабар берди.
Тақиқнинг бекор қилинганига қарамай, ҳарбийлар соқолларининг узунлиги ва парваришланганига эътибор қаратиши керак. Янги қоидаларга кўра, соқол узунлиги 2,5 дан 25,5 миллиметргача бўлиши, ёноқ ва бўйин қисмларидаги калталаниши керак. Шу билан бирга, соқолни ёрқин рангга бўяш тақиқланади.
Бир асрдан ортиқ вақт давомида Британия армияси аъзоларига фақат мўйлов ўстиришга рухсат берилган. Соқол ўстириш эса фақат махфий топшириқлар, ҳарбий ҳаракатлар пайтида ёки тиббий, диний сабабларга асосан рухсат этилган.
Британия ҳарбий-денгиз кучлари учун соқол қўйиш тақиқи анча олдин олиб ташлаган, ҳаво кучлари учун эса 2019 йилда бекор қилинган.
Изоҳ (0)