Киноларда шундай қаҳрамонлар борки, уларнинг ҳаёти ва саргузаштлари ҳақида қайта-қайта фильм суратга олиш мумкин. Қуйидаги классикага айланган фильм образлари орқали мухлислар қалбидан чуқур жой эгаллаган ўн нафар актёр билан танишамиз.
Майкл Китон — Бэтмен
1989 йилда “Бэтмен” фильми намойиш этилишидан аввал актёр Майкл Китон машҳур юлдуз эмас эди. Бундан бир йил олдин у “Битлжуз” фильмида суратга тушган. DC оламидаги кейинги муваффақиятли фильм — “Бэтмен қайтмоқда” 1992 йилда суратга олинган.
Режиссёр Тим Бертон киносаноатда иш фаолиятини тугатганини билгач, Майкл Китон фильмнинг учинчи қисмида суратга тушишдан воз кечган. Аммо актёр кутилмаган тарзда 2023 йилда “Флеш” фильмида Бэтмен ролини такроран ижро этган.
Тоби Магуаер — Ўргимчак одам
Актёр Тоби Магуаер карьерасидаги Питер Паркер роли унинг ҳаётида катта ўзгаришлар ва муваффақиятлар олиб келган. “Буюк Гетсби”, “Ака-укалар” фильмларидаги кейинги роллари актёр фаолиятида Ўргимчак одамдек шов-шувли бўлмаган.
Сўнг Тоби 2021 йилда “Ўргимчак одам: Ортга йўл йўқ” фантастик жангари фильмида суратга тушди ва унда бошқа дунёдан келган Ўргимчак одам ролини ўйнади.
Жейми Ли Кертис — Лори Строуд
1977 йилда актриса Жейми Ли Кертис бирданига турли фильмларда дебют қилди, аммо эпизодик роллари орқали оммага танилмади. Барчаси бир йилдан сўнг актриса “Хеллоуин” фильмида Лори Строуд ролини ижро этганда ўзгариб кетди. Фильм прокати 60 миллион доллар даромад олиб келди ва актриса фильмнинг кейинги қисмларида ҳам бош ролда фаол иштирок этди, аммо фильм кассаларда яхши даромад келтирмади.
2018 йилда эса “Хеллоуин” фильмининг кейинги сони оммага тақдим этилди ва Жейми Ли Кетрис яна бир бор Лори Строуд образини гавдалантирди.
Харрисон Форд — Хан Соло, Рик Декард ва Индиана Жонс
Харрисон Форд кино оламига 1966 йилда кириб келди ва 70 йилнинг ўрталарига келиб яхши таклифлар бўлмагани ва даромад билан боғлиқ муаммолар туфайли кино саноатини тарк этди. У дурадгорлик билан шуғуллана бошлади.
Бир неча йил ўтиб, актёр “Юлдузлар жанги”да иштирок этаётганининг гувоҳи бўлган режиссёр Жорж Лукас амин бўлди: Хан Соло ролига айнан Харрисон Форд муносиб. Орадан тўрт йил ўтгач актёр “Индиана Жонс. Йўқотилган кемани излаб”да бош ролни ижро этди. Бир йилдан сўнг эса “Тиғ бўйлаб югуриш” илмий-фантастик фильмида Рик Декард образини гавдалантирди.
Мазкур учта ролни актёр 2015 йилдан то 2023 йилга қадар такроран ижро этган. “Юлдузлар жанги. Кучлар уйғониши”, “Индиана Жонс ва тақдир ғилдираги” ва “Тиғ бўйлаб югуриш 2049” фильмларида актёр яна бир бор бош ролларда экранларга қайтган.
Билл Мюррей, Ден Эйкройд ва Эрни Хадсон — Питер Венкман, Рей Стентс ва Уинстон Зеддмор
“Арвоҳ овчилари: Меросхўрлар” фильми 2021 йилдан аввалроқ намойиш этилиши мумкин эди. Аммо актёр Гаролд Рамис вафоти туфайли фильмни суратга олиш ишлари номаълум муддатга чўзилди. Орадан беш йил ўтгач, марҳум актёр хотирасига бағишланган фильм устида ишлар тугалланди.
“Арвоҳ овчилари: Меросхўрлар” актёр Эрни Хадсон карьерасида муваффақиятли бурилишга олиб келди. Ден Эйркорйд “Ака-ука Блюз” фильми орқали, Билл Мюррей эса “Голф клуби” фильмидаги образлари билан мухлисларга аввалроқ танилган эди.
Киану Ривз, Керри-Эн Мосс — Нео
“Матрица” франшизасининг биринчи қисми 1999 йилда чиққан бўлиб, фильмнинг классикага айланишига ундаги ажойиб инқилобий ғоялар ва замонавий визуал эффектлар ёрдамида яралган жанг саҳналари сабаб бўлган. Орадан 20 йил ўтиб, унинг тўртинчи қисми “Матрица. Тирилиш” номли фильм суратга олинди ва унда Киану Ривз ва Керри-Энн Мосс каби актёрлар бош ролларни яна бир бор ижро этди.
Киану ҳам, Керри-Анн ҳам биринчи фильм сёмкалари вақтида жиддий жароҳат олишган, бироқ улар буни ҳеч кимга билдирмаган. Маълумотларга кўра, улар жароҳати туфайли бошқа актёрлар билан алмаштирилишидан қўрққан ва франшизанинг қолган уч қисмида ҳам бош ролларни гавдалантирган.
Линда Хемилтон — Сара Коннор
-mopXlwCs.png)
90 йилларнинг бошида “Терминатор” ва “Макажўхори болалари” фильмларидаги образлари орқали оммага танилган актриса Линда Хемилтон машҳурликнинг чўққисига “Терминатор-2. Қиёмат куни” дан кейин эришди. Актрисага бўлган талаб секин-аста ошиб борган, аммо рейтингларда юқори поғонани доимий ушлаб туриш Линдага насиб этмаган. 2019 йилда актриса яна Сара Коннор ролига қайтди, аммо фильм бу сафар ҳам улкан муваффақият қозонмади.
Изоҳ (0)