Туркия президенти Ражаб Тоййиб Эрдўғоннинг ўрнини куёви, Bayraktar дрони ишлаб чиқарувчиси Селчук Байрактар эгаллаши мумкин. Бу ҳақда The Wall Street Journal хабар берди.
Селчук Байрактар Туркия президентининг қизига уйланган ва Туркиядаги энг машҳур жамоат арбобларидан бири. Унинг отаси Ўздемир Байрактар болалигидан Эрдўғон билан таниш бўлган. Селчук Байрактар отасининг вафотидан кейин акаси Ҳалук билан бирга Baykar ширкатини мерос қилиб олган.
Бизнесменнинг тарафдорлари уни Туркия президентлигига номзод қилиб кўрсатишни кўриб чиқмоқда. Туркия сиёсати бўйича экспертлар WSJ нашрига Байрактар кейинги президент бўлиши мумкинлигини тасдиқлаган.
У Эрдўғоннинг муносиб ва обрўли куёви. Менинг фикримча, “идеал бўрон” Байрактарга ишора қилмоқда, — дейди АҚШ денгиз ҳарбий коллежининг стратегия профессори Бурак Кадеркан.
Байрактарнинг ўзи “фаол сиёсат” билан шуғулланмаслигини айтган, аммо қайнотаси ундан буни сўраса, президентликка номзодини қўйишини истисно қилмаган.
Эҳтимол, ҳа дердим, лекин бу вазиятга боғлиқ, — деган эди Байрактар.
Эрдўғон Туркияни 2014 йилдан бери бошқариб келади, унгача у бош вазир бўлган (2003 йилдан). Ўтган йилги сайловларда у иккинчи турда 52,18 фоиз овоз билан ғалаба қозонган эди.
- Туркияда президентлик муддати беш йил, давлат раҳбари бу лавозимни кетма-кет икки мартадан ортиқ эгаллаши мумкин эмас. Истисно муддатидан олдин сайловлар бўлиши мумкин, қарор Туркия ҳукумати томонидан қабул қилиниши керак. 2018 йилда Эрдўғон шундай сайловларда ғалаба қозонди, шунинг учун у 2023 йилда сайланди.
- Туркияда навбатдаги президентлик сайловлари 2028 йилда бўлиб ўтиши керак. Эрдўғоннинг ўзи 31 мартга белгиланган муниципал сайловлар “қонун томонидан берилган ваколатлар”ни ҳисобга олган ҳолда у учун охиргиси бўлишини айтганди.
Изоҳ (0)