Туркия хавфсизлик кучлари 29 март куни фирибгарлик учун Интерпол томонидан қидирувда бўлган икки гумондорни қўлга олган. Бу ҳақда Anadolu нашри хабар берди.
Хабарда айтилишича, гумонланувчилар репатриация марказига топширилган. Эндиликда улар ўз мамлакатларига қайтарилади.
“Интерполнинг қизил даражадаги огоҳлантириши билан қидирувда бўлган, ноқонуний ташкилий фаолият ва контрабанда учун судлов эълон қилинган Талгат Баисов ҳамда фирибгарлик айби билан халқаро қидирувда бўлган Махат Раҳишов Истанбулда ўтказилган “Маҳзен-23” операцияси доирасида қўлга олинди”, — дейилади расмий хабарда.
Хавфсизлик хизмати вакиллари фирибгарлик билан боғлиқ жиноятларга қарши жиддий кураш олиб борилишини маълум қилган. Бу борада Интерпол ва минтақавий ташкилотлар билан фаол ҳамкорлик қилиниши айтилган.
“Халқимиз тинчлигини бузаётган халқаро уюшган жиноятчилик гуруҳлари ва гиёҳванд моддалар савдоси билан шуғулланувчи шахсларни ,уларнинг жиноят даражаси қандай эканлигидан қатъий назар, эркин нафас олишига йўл қўймаймиз. Биз уларнинг ҳар бирини адолат қўлига топширамиз”, — дейилган расмий баёнотда.
Изоҳ (0)