Ўзбекистонлик сурдо таэквондочилар жаҳонда иккинчи бўлишди

Бишкекда таэквондо бўйича эшитиш қобилияти заиф спортчилар ўртасида жаҳон чемпионати якунланди.

Ушбу мусобақада ўзбекистонликлар 8 та медални қўлга киритди.

Эркаклар терма жамоаси икки олтин, битта кумуш ва икки бронза медалини қўлга киритиб, жамоавий ҳисобда жаҳонда иккинчи ўринни қўлга киритди. Эркаклар ўртасида медал жамғариш бўйича Жанубий Корея давлати биринчи ўринни эгаллади. Қўшни Қозоғистон давлати бу борада учинчи бўлди.

Шоҳруз Абдураҳмонов ва Муҳаммад Усмонов ўз вазн тоифасида тенгсиз бўлиб, олтин медални қўлга киритди. Ҳожиакбар Ҳокимов кумуш медал билан тақдирланган бўлса, Анвар Холбоев ва Ҳожиакбар Саидмуродов бронза медали билан мусобақани якунлади. 

Аёллар ўртасида 46 килограммгача бўлган вазнда Тожибоева тенгсизлигини исботлаб, олтин медални қўлга киритди. Ҳайитбоева Асал ҳудди шу вазнда бронза медали соҳибаси бўлди. 49 килограммгача бўлган вазн тоифасида Нуриддинова Шаҳризода бронза медалини қўлга киритди.

— 62 кг вазнда кураш олиб борган Эшмирзаева Гўзалга бир оз омад етишмади ва у жаҳон чемпионатида бешинчи ўринни қўлга киритди.

Ушбу Жаҳон чемпионатида Ўзбекистон терма жамоаси 16 спортчи билан иштирок этди.