Хоразм вилоятининг Хива шаҳрида 18 та жаримаси бор Cobalt жарима майдончасига жойлаштирилгач, қарздор барча жарималарни тўлади. Бу ҳақда МИБ ахборот хизмати “Дарё”га хабар берди.
Унга кўра, Хоразм вилояти ИИБ ЙҲХБнинг қарорларига асосан жавобгардан давлат фойдасига жами 18 та 11,4 миллион сўмлик маъмурий жарималарни ундириш тўғрисидаги ижро ҳужжатлари юзасидан бюронинг Хива тумани бўлими томонидан ижро ҳаракатлари олиб борилган. Қарздорга давлат олдидаги мажбуриятини бажариши учун ихтиёрий муддат берилган.
Лекин у ихтиёрий муддат ичида ижро ҳужжатлари ижросини таъминлаш чорасини кўрмагани сабабли ундирув қарздорга тегишли бўлган Cobaltъга қаратилган. Олиб борилган мажбурий ижро ҳаракатлари давомида автотранспорт воситасининг турган жойи аниқланиб, хатланган ва жарима майдонига олиб кирилган.
Шундан сўнг қарздор барча жарималарини тўлади.
Изоҳ (0)