Футбол бўйича Испания Ла Лигаси доирасида “Барселона” 8-октябрь, якшанба куни “Гранада”га қарши баҳс олиб борди ва 2:2 ҳисобида дуранг ўйнади.
Каталонияликлар ярим ҳимоячиси Ламин Ямал биринчи бўлим сўнгида рақиб дарвозасини ишғол қилди. Шу тариқа Ямал 16 ёш 87 кунлик вақтида гол уриб, Испания чемпионатида гол урган энг ёш футболчига айланди. Аввалги рекорд Фабрис Олингага тегишли эди. Олинга 2012 йилда “Малага” сафида “Сельта”га гол урган вақтда 16 ёш 98 кунлик эди.
Шунингдек, Ламин топ лигалар тарихида гол урган энг ёш футболчилар топ-5 лигига кирди. Бу борада рекордчи “Рома”да 1937 йил гол урган Амедео Амадеи ҳисобланади. Италиялик футболчи 15 ёш 287 кунлик вақтида рақиб дарвозасини ишғол қилган.
Ундан кейинги ўринларни Жейсон Доцелли (“Ипсвич”, 1984 йил, 16 ёш 57 кунлик вақтида), Жанни Ривера (“Алессандрия”, 1959 йил, 16 ёш 68 кунлик вақтида) ва Петро Пеллегри (“Женоа”, 2017, 16 ёш 72 кунлик вақтида) эгаллаб турибди.
Изоҳ (0)