Украина президенти 23 март куни кечқурун эълон қилинган халққа видеомурожаатида Красногорскдаги терактда Украинага қўйилган айбловга муносабат билдирди.
Владимир Путиннинг Crocus City Hall концерт залидаги терактга муносабатини олдиндан айтиш мумкин эди, чунки у ва унга ўхшаганлар ҳамиша бундан фойдаланишга, содир бўлган воқеада бошқа бировни айблашга ҳаракат қилишади, — деди Владимир Зеленский.
Унинг сўзларига кўра, Путин Россия фуқаролари билан шуғулланиш, уларга мурожаат қилиш ўрнига бир кун Украинани бу воқеада қандай айблаш ҳақида ўйлаган.
Украина раҳбари, шунингдек, Кремль ҳам Украинага бўлган тажовузда ўзининг ҳар қандай ҳаракатини доимо оқлаб, содир бўлаётган воқеалар учун айбни Киев зиммасига юклашини таъкидлаган.
Зеленский ҳозир Украина тупроғида ўлдирилаётган россияликлар сони бундай терактларнинг олдини олиш учун етарли бўлишини қўшимча қилган. Мурожаат сўнгида у терроризм доим мағлуб бўлиши кераклигини айтиб, бутун дунёни одамларни пул топиш йўли деб ҳисоблайдиганлардан ҳимояланишга чақирган.
Мутахассислар Crocus City Hall’даги терактнинг учта версиясини кўриб чиқмоқда
22 март куни кечқурун Crocus City Hall концерт залида содир этилган теракт жойида қидирув ишлари олиб борилмоқда. Воқеа натижасида камида 133 киши ҳалок бўлган, яна 140 киши жароҳатланган. Россия фавқулодда хизматлари вакиллари бу якуний рақамлар эмаслигини таъкидлаган.
Аввалроқ АҚШ разведкаси Россияни “Ислом давлати” террорчилик гуруҳининг бўлими ҳисобланган Вилоят Хуросони (ИШИД-К) Россия ҳудудида теракт тайёрлаётгани ҳақида олдиндан хабардор қилган эди. Аксар экспертлар ИШИДнинг Москвадаги терактга алоқадорлиги ҳақида ишончли далиллар йўқлигини таъкидлаган.
Россия хавфсизлик ходимлари, худди Путин каби, терактда “Украинанинг алоқдаролик” версиясини тарғиб қилмоқда. ФХХ терактдан кейин қўлга олинганларнинг Украина билан алоқалари бўлганлигини ва улар Брянск вилоятида, Россия ва Украина чегарасидаги Троэбортное назорат-ўтказиш пунктидан унчалик узоқ бўлмаган жойда ҳибсга олинганини айтган. Путиннинг айтишича, террорчиларнинг Украинага ўтиши учун йўлак тайёрланган. Киев терактга алоқадорлиги ҳақидаги айбловларни рад этган. АҚШ ҳам бунинг аломатлари йўқлигини айтган.
Ўз навбатида, Киевда Крокусга ҳужум Россия расмийлари томонидан уюштирилган бўлиши мумкин деган тахмин мавжуд. Украина ТИВ бундан “Россия фуқароларининг сафарбарлигини кучайтириш” учун фойдаланиш мумкинлигини таъкидлаб, 1999 йилда Россиядаги турар жой биноларидаги портлашларни мисол қилиб келтирган. Худди шундай фикрни россиялик мухолиф сиёсатчи Гарри Каспаров ҳам айтган. Бироқ хавфсизлик бўйича эксперт ва Бонн университетининг россиялик мутахассиси Франк Umbах DW нашрига берган интервьюсида ҳозирда бундай тахмин учун ҳеч қандай далил йўқлигини таъкидлаган. Унинг сўзларига кўра, террорчилик ҳужуми ИШИД жангарилари томонидан амалга оширилган версияси Россия ташвиқотига тўғри келмайди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)