Сўнгги 24 соатда Украина Авдеевка ҳудудида қарийб 350 нафар аскарини йўқотди — “ТАСС”

Украина армияси 23 мартдаги жангларда Авдеевка ҳудудида 350 га яқин аскарини йўқотган. Бу ҳақда Россия Мудофаа вазирлиги баёнотига асосланиб, “ТАСС” нашри хабар берди.

Авдеевка ҳудудида жанговар бўлинмалар фаол ҳаракатларни амалга ошириб, қулай позицияларга ўрнашди ҳамда Нетаилово, Уманское, Очеретино яқинидаги 59-мото-ўқчилар бригадаси, Украина Қуролли кучларининг 23 ва 53-механизациялашган бригадалари қўшинлари ва техникасига зарба берди. Украина қуролли кучларининг 350 нафаргача аскари, иккита зирҳли жанговар машинаси ва бешта автомашинаси йўқ қилинди, — дейилади Россия Мудофаа вазирлиги хабарида.

Россия кучлари, шунингдек, Донецк ҳудудидаги Новгородское, Семёновка, Орловка, Тоненкое ва Бердичи яқинида Украина қуролли кучларининг 25-ҳаво ҳужуми бригадаси, учинчи ҳужум бригадаси, 24 ва 75-механизациялашган бригадаларининг 12 та қарши ҳужумини қайтарганини даъво қилган.

Манбада айтилишича, 23 март давомида Россия ҳаво ҳужумидан мудофаа кучлари 171 та дронни йўқ қилган, 29 та ракетани уриб туширган. 29 та HIMARS ва Vampire ракеталарини зарарсизлантирилган.

Украина томони Россия баёнотига муносабат билдирмаган.