Ўзбекистон 2024 йилнинг январь-февраль ойларида хорижга қиймати 150,1 млн долларга тенг бўлган 251,2 минг тонна мева ва сабзавотлар экспорт қилган. Бу ҳақда Статистика агентлиги хабар берди.
Маълум қилинишича, бу кўрсаткич 2023 йилнинг мос даври билан солиштирилганда 1,9 мартага ёки 115,5 минг тоннага кўпайган.
Мева-сабзавот маҳсулотларининг асосий экспорт бозорлари Покистон (26,6 фоиз), Россия (26,1 фоиз), Қозоғистон (9,1 фоиз) ва Хитой (9 фоиз) давлатлари ҳиссасига тўғри келган.
2024 йилнинг январь-февраль ойларида мева-сабзавотлар экспорти улуши жами экспортнинг 4,1 фоизини ташкил этган.
Изоҳ (0)