Саудия Арабистони чемпионатининг номи ошкор этилмаган клуби “Барселона”га 27 ёшли вингер Рафинья учун 80 миллион евролик таклиф юборди.
Sport.es маълумотига кўра, Каталония клуби раҳбарияти ва мураббийлар штаби Рафинья билан хайрлашишни истамаяпти, бироқ Саудия клуби бразилиялик футболчининг тахминий баҳосидан юқорироқ таклиф билан чиққани клуб қарорига таъсир қилиши мумкин.
Эслатиб ўтамиз, жорий мавсумда Рафинья барча турнирларда 27 та ўйинда қатнашиб, бешта гол ва 9 та голли узатмани амалга оширган. Футболчининг клуб билан амалдаги меҳнат шартномаси 2027 йилнинг ёзига қадар амал қилади.
Transfermarkt порталида берилган маълумотларга кўра, футболчининг ҳозирдаги бозор қиймати 50 миллион еврони ташкил қилади.
Изоҳ (0)